سەرۆکوەزیران بارزانی بەردی بناغەی پردی تووەقوت لە هەڵەبجە دادەنێت

ئاڤا نیوز

 

لە سەردانەکەیدا بۆ هەڵەبجە، سەرۆکوەزیران بارزانی بەردی بناغەی پرۆژەی پردی تووەقوتی لەسەر ڕووباری سیروان دانا و گوتارێکیشی پێشکەشکرد.

 

چیرۆکی سەرەکی: سەرۆکوەزیران بارزانی، بەڵێنەکەی بەجێگەیاند و سەردانی هەڵەبجەی کرد، لەگەڵ بەرپرسانی شارەکە کۆبووەوە و چەند بڕیارێکیشی لە بەرژەوەندیی هاونیشتمانیان دا.

 

لێدوانی فەرمی: "هەرچەندە ماوەیەکی زۆری پێچووە بۆ ئەوەی بتوانم جارێکی دیکە سەردانی هەڵەبجە بکەمەوە، بەڵام ئێستا خۆشحاڵم کە توانیمان بێین و لە خزمەتی ئێوەی بەڕێز و خۆشەویستدا بین".

 

"زۆر خۆم بە خۆشحاڵ دەزانم کە لە پارێزگای هەڵەبجە لە سنووری شاری شەهیدان بەردی بناغەی ئەم پڕۆژە گرنگە دادەنێین؛ هەرچەندە دەستکردن بە جێبەجێکردنی ئەم پڕۆژەیە دواکەوت، بەڵام بە تەوابوونی ئەم رێگە و پردە سوودێکی زۆر بە خەڵکی ناوچەکە دەگات".

 

زانیاریی زیاتر: پردی تووەقوت پارێزگای هەڵەبجە بە ئیدارەی گەرمیان دەبەستێتەوە؛ سوودێکی زۆری بۆ جوتیارانی سنوورەکە دەبێت و ئیدی هەنار و بەرهەمەکانی دیکەی هەڵەبجە بە ئاسانی دەگەیێنرێنە بازاڕەکانی سلێمانی و ئیدارەی گەرمیان.