بەریتانیا سزای نوێ بەسەر ڕووسیا دەسەپێنێت

ئاڤا نیوز

بە بۆنەی دووەمین ساڵیادی لەشکرکێشی ڕووسیا بۆ سەر ئۆکراینا، بەریتانیا زیاتر لە 50 سزای نوێی بەسەر مۆسکۆ سەپاند، کە بەشێکیان کۆمپانیای وڵاتانی دیکەن و هاوکاری سەربازیی ڕووسیایان کردووە.

ڕاگەیێنراوی فەڕمی: نووسینگەی وەزارەتی دەرەوەی بەریتانیا ڕایگەیاند، سزاکان کۆمپانیاکانی بەرهەمهێنانی تەقەمەنی، کۆمپانیاکانی ئەلیکترۆنی و بازرگانانی ئەڵماس و نەوت دەکەنە ئامانج و مەبەست لێیان "کەمکردنەوەی" جبەخانەی چەکەکانی ڤلادمیر پووتین، سەرۆکی ڕووسیایە.

ئەوەی پێویستە بیزانیت: سزا نوێیەکان کۆمپانیایەکی تورکیا، دوو دامەزراوەی بیلاڕوسیا و سێ کۆمپانیای چینی بەئامانجگرتوون کە هاوکار بوون لە گواستنەوەی چەکی کۆریای باکوور بۆ ڕووسیا.

زانیاری زیاتر: بەپێی ئاماری نەتەوەیەکگرتووەکان، زیاتر لە دە هەزار هاووڵاتی لە شەڕەکەدا گیانیان لەدەستداوە و نزیکەی 200 هەزاری دیکەش برینداربوون.

باکگراوند: ڕووسیا لە 24-02-2022 دەستیکرد بە لەشکرکێشییەکەی بۆ سەر ئۆکراینا، لەو کاتەوە تا ئێستا بەریتانیا بە گشتی سزای بەسەر دوو هەزار کەس، کۆمپانیا و گروپی ڕووسیا سەپاندووە و تا شەڕ كۆتایی نەیەت سزاكان هەڵناگرێت.