ئەمریکا: توانیومانە زیاتر لە 30 سەرکردەی داعش لە عێراق و سووریا لەنێو ببەین

ئاڤا نیوز

 

فەرماندەیی ناوەندی ئەمریکا ڕایدەگەیێنێت بە هاوبەشی لەگەڵ هێزە ئەمنییەکانی عێراق و سووریا لە کۆتایی مانگی ئابی ڕابردووەوە تاوەکو ئێستا، توانیویانە زیاتر لە 30 سەرکردەی ڕێکخراوی داعش لە عێراق و سووریا لەنێو ببەن.

 

وێنە گەورەکە: ئۆپەراسیۆنەکانی هێزەکانی ئەمریکا لە چوارچێوەی هاوپەیمانیێتی نێودەوڵەتیی دژی داعش لە عێراق و سووریا بەردەوامە، ئەمەش وەک بۆ پاڵپشتییەک بۆ هێزە نێوخۆییەکانی ئەو دوو وڵاتە.

 

ڕاگەیێنراوی فەرمی: فەرماندەیی ناوەندی ئەمریکا ڕایگەیاند، زنجیرە ئۆپەراسیۆنەکانیان بە ئامانجی لاوازکردنی ژێرخانی ڕێکخراوەکە و تواناییەکانیان بووە لە ئەنجامدانی کردەکانیان لە ناوچەکە.

 

زانیاریی زیاتر: بەپێی ڕاگەیێنراوەکەی فەرماندەیی ئەمریکا لە 29ی مانگی ئابی ڕابردووەوە 95 ئۆپەراسیۆنیان دژی داعش لە عێراق سووریا ئەنجامداوە، بە هۆیەوە 163 تیرۆریست کوژراون 33ی دیکەیان دەستگیرکراون.

 

لەلایەکی دیکە: مایکل ئێریک کوریلا، فەرماندەی فەرماندەیی ناوەندی ئەمەریکا ڕایگەیاند: "شانبەشانی هاوپەیمانان و هاوبەشە عێراقیەکانمان بەردەوام دەبین لە ڕاوەدوونانی ئەو تیرۆریستانە و تێکشکاندنی تواناکانیان".