ئەمریکا سەرۆکێکی نوێ هەڵدەبژێرێت

ئاڤا نیوز 

 

ئەمڕۆ 5ـی تشرینی دووەمی 2024، دەنگدانی گشتیی بۆ هەڵبژاردنی سەرۆکی ئەمریکا دەستپێدەکات و زیاتر لە 244 ملیۆن کەس مافی دەنگدانیان هەیە و نزیکەی 130 هەزار ناوەندیش لە سەرتاسەری وڵات بۆ دەنگدەران تەرخانکراوە.

 

وێنە گەورەکە: دوو کاندیدی سەرەکییەکەی ئەم خولەی هەڵبژاردنی سەرۆکایەتیی ئەمریکا، بریتین لە دۆناڵد ترەمپ، کاندیدی کۆمارییەکان و کامالا هاریس، کاندیدی دیموکراتەکان.

 

ئەوەی پێویستە بیزانیت: لە دەنگدانی گشتیی بەشێوەی ڕاستەخۆ 435 ئەندامی ئەنجوومەنی نوێنەرانی ئەمریکاش هەڵدەبژێردرێن، هاوکات لە کۆی 100 ئەندامی ئەنجوومەنی پیران 34یان هەڵدەبژێردرێن.

 

ژمارەکان وادەڵێن:  ئەمساڵ 78 ملیۆن کەس لە ئەمریکا بەشداری دەنگدانی پێشوەختەیان کردووە، لە هەڵبژاردنی ساڵی 2016 نزیکەی 47.2 ملیۆن و لە ساڵی 2012ـش 46.2 ملیۆن کەس پێشوەختە دەنگیان دا.