یەکەم گوتاری دۆناڵد ترەمپ دوای سەرکەوتنی لە هەڵبژاردن

ئاڤا  نیوز

 

دۆناڵد ترەمپ، کاندیدی کۆمارییەکان بۆ هەڵبژاردنی سەرۆکایەتیی ئەمەریکا لە گوتارێکدا لە بەردەم لایەنگرانی لە ویلایەتی فلۆریدا سەرکەوتنی خۆی لە هەڵبژاردنەکەدا ڕایگەیاند و دووپاتی کردەوە، بووەتە 47ـەمین سەرۆکی ئەو وڵاتە. 

 

لێدوانی فەرمی: دۆناڵد ترەمپ، کاندیدی کۆمارییەکان ڕایگەیاند: ئەمەریکا لەمڕۆوە دەچێتە قۆناغێکى نوێوە و هاوکاری وڵاتەکەیان دەکەن کە برینەکانى سارێژ ببێت و ئەم سەرکەوتنەشى بە جۆرێک وەسفکرد کە سیاسیەتى ئەمەریکا پێشتر بەخۆیەوە نەبینیوە.

 

زانیاری زیاتر: دۆناڵد ترەمپ وتیشی،  ئێمە بەسەر کۆمەڵێک دژواریدا سەرکەوتین کە کەس پێی وانەبو بکرێت و من ئێستا 45ـهەمین و 47ـهەمین سەرۆکى ئەمەریکام و ناوەستم و تا دوا هەناسەم کاردەکەم بۆ بەدیهێنانى ئەو ئاواتانەى منداڵەکانمان هەیانە.

لەلایەکی دیکەوە: ئاماژەى بۆ ئەوەشکرد لە داهاتودا سەیر دەکەن و دەڵێن: ئێمە دەنگمان بە کۆمەڵە کەسانێکى بەهێزدا و شانازى بە خۆتانەوە دەکەن.

ئەوەی پیویستە بیزانیت: دۆناڵد ترەمپ، کاندیدی کۆمارییەکان وتی، کۆمارییەکان توانیویانە کۆنتڕۆڵى زۆرینەى ئەنجوومەنى پیران و ئەنجومەنى نوێنەران بکەنەوە و بۆ ئەمەش سوپاى میلانیا ترەمپى هاوسەرى کرد و سوپاسیشى پێشکەشى جەى دى ڤانسى جێگرى کرد.