پێشەوا هەورامانی: چاوەڕوانین لەم ڕۆژانە مووچەی مانگی 10 بنێردرێت

ئاڤا نیوز

وتەبێژی حکومەتی هەرێمی کوردستان ڕایدەگەیێنێ، چاوەڕوانن لەم ڕۆژانە مووچەی مانگی 10 لەلایەن بەغدا بنێردرێت. دڵنیاییش دەدات مووچەی مانگەکانی 11 و 12 نافەوتێت.

کۆنگرەی ڕۆژنامەوانیی: پێشەوا هەورامانی، وتەبێژی حکومەتی هەرێمی کوردستان لە کۆنگرەیەکی ڕۆژنامەوانیدا ڕایگەیاند، سێ ڕۆژە تیمێکی تەکنیکی حکومەتی هەرێمی کوردستان بۆ چارەسەرکردنی تێبینییەکانی لیستی مووچە لە بەغدایە و، چاوەڕوانن لەم ڕۆژانە مووچەی مانگی 10 خەرج بکرێت.

زانیاریی زیاتر: لەبارەی گرفتەکانی لیستی مووچە گوتەبێژی حکومەت گوتی: "دەمانەوێت هیچ کەموکورتییەک لە لیستی مووچە نەمێنێ بۆنموونە بایۆمەتری و ئەوانی دیکە. تیمە تەکنیکییەکان بۆ چارەسەکردنی گرفتەکان دەچنە بەغدا، دەمانەوێت تاوەکو کۆتایی ئەمساڵ سەرجەم کێشەکان چارەسەر بکەن، ئەوەی لە ئێمە داواکراوە جێبەجێی دەکەین و گەشبینین بگەینە ڕێککەوتن و کێشەکان چارەسەرببن".

لەلایەکی دیکەوە: لە وەڵامی پرسیارێکی مەجید خدر، پەیامنێری ئاڤا دەربارەی چارەنووسی مووچەی مانگەکانی داهاتووی فەرمانبەران ڕایگەیاند، " دڵنیایی بە مووچەخۆران دەدەم لەوەی مووچەی مانگەکانی 11 و 12یان نافەوتێت".