هەڵوێستی چین لەبارەی دەرچوونەوەی ترەمپ: پرسێکی ناوخۆییە و ڕێزی دەگرین

ئاڤا نیوز

 

چین هیواخوازە لەگەڵ ئەمریکا پەیوەندییەکی ئاشتیانەی هەبێت، لەدوای هەڵبژاردنی  دۆناڵد ترەمپ وەک 47ـین سەرۆکی ئەمریکا.

 

لێدوانی فەرمی: ماو نینگ، وتەبێژی وەزارەتی دەرەوەی چین لە کۆنگرەیەکی ڕۆژنامەوانیدا ڕایگەیاند، "بەردەوام دەبین لە نزیکبوونەوە و بەڕێوەبردنی پەیوەندییەکانی چین و ئەمریکا لەسەر بنەماکانی ڕێزگرتنی یەکتر، پێکەوە ژیانی ئاشتیانە و هاوکاریی بۆ بەرژەوەندی هاوبەش".  

لەلایەکی دیکەوە: لەبارەی سەرکەوتنی ترەمپ لە هەڵبژاردنی سەرۆکایەتیی ئەمریکا ماونینگ گوتی: "هەڵبژاردنی ترەمپ پرسێکی ناوخۆییە و ئێمە ڕێز لە ئیرادەی خەڵکی ئەمریکا دەگرین".

 

باکگراوند: 2024/11/5 هەڵبژاردنی سەرۆکایەتیی ئەمریکا بەڕێوەچوو، دۆناڵد ترەمپ بە بەدەستهێنانی  276 ئەندامی دەستەی هەڵبژاردن لە بەرامبەر 223 ئەندامی دەستەی هەڵبژاردنی کامالا هاریس، توانی ببێتە سەرۆکی داهاتووی ئەمریکا.