چین سزا بەسەر پێنج کۆمپانیای دروستکردنی کەشتیی ئەمریکی دەسەپێنێت

ئاڤا نیوز

چین سزای نوێی بەسەر کۆمپانیا کەشتیسازییەکانی کۆریای باشووردا سەپاند، ئەمەش دوای ئەوەی ئەمریکا دەستی بە لێکۆڵینەوەیەکی بازرگانی کرد لەسەر گەشەسەندنی بەهێزی کەشتیسازی چین و کاریگەرییەکانی لەسەر بازاڕی جیهانی. 

بڵاوکراوەی فەرمی: وەزارەتی بازرگانیی چین ڕایگەیاند، مامەڵەکردنی کۆمپانیا چینییەکان لەگەڵ پێنج کۆمپانیای لق کە بۆ ئەمریکا کار دەکەن لە کۆمپانیای کەشتیسازیی Hanwha Oceanی کۆریای باشوور قەدەغە کردووە و وەزارەتەکە ڕایگەیاند، لێکۆڵینەوە لەبارەی بەدواداچوونی واشنتن لەسەر گەشەسەندنی زاڵبوونی چین لە کەشتیسازیدا دەکات.

ئەوەی پێویستە بیزانیت: کۆمپانیا سزاکانیش بریتین لە Hanwha Shipping LLC ، Hanwha Philly Shipyard Inc.، Hanwha Ocean USA International LLC، Hanwha Shipping Holdings LLC  و HS USA Holdings Corp.

زانیاریی زیاتر: کەشتیوانیی نێودەوڵەتی و کەشتیسازیی لەم دواییانەدا بوونەتە جێگەی سەرنجی ناکۆکیی بازرگانیی نێوان واشنتن و پەکین، هەردوولا باجی نوێی بەندەرەکانیان بەسەر کەشتییەکانی یەکتردا سەپاندووە.

لە لایەکی دیکەوە: لە کۆتاییی 2024ـدا، کۆمپانیای هانوا بە بڕی 100 ملیۆن دۆلار کەشتیسازیی فیلادێلفیای لە پێنسیلڤانیا کڕی، لە مانگی ئابدا ڕایگەیاند کە پلانی هەیە پێنج  ملیار دۆلار وەبەرهێنان لە کەشتیگەل  و بەندەرە نوێیەکاندا بکات وەکو بەشێک لە پاڵپشتییەکانی بۆ هەوڵەکانی ئەمریکا بۆ گەڕاندنەوەی توانای کەشتیسازیی کێبڕکێکار لە ئاستی جیهانیدا.