لە شەرم شێخ واژۆ لەسەر چی کرا؟

ئاڤا نیوز

 

لە شەرم شێخی میسر، ڕێککەوتننامەیەکی ئاشتی  بۆ کۆتاییهێنان بە جەنگی غەززە و ئازادکردنی بارمتە ئیسرائیلییەکان لەلایەن چوار سەرکردەی کاریگەری جیهان و ناوچەکەوە واژۆ کرا.

 

ئەوەی پێویستە بیزانیت: ڕۆژی سێشەممە ڕێککەوتننامەکە لەلایەن هەر یەک لە دۆناڵد ترەمپ، سەرۆکی ئەمریکا، ڕەجەب تەیب ئەردۆغان، سەرۆککۆماری تورکیا، عەبدولفەتاح سیسی، سەرۆکی میسر، و میری قەتەرەوە واژۆ کرا.

 

شێوازی جێبەجێکردن؛ بەپێی دەقی ڕاگەیێندراوەکە، سەرکردەکان چەندین خاڵی بنەڕەتییان جەخت لێکردووەتەوەو  واژۆیان لەسەری کرد:

 

-کۆتاییهێنان بە شەڕ: پێشوازی لەو "پابەندبوونە مێژووییە" دەکەن کە کۆتایی بە شەڕی زیاتر لە دوو ساڵە و نەهامەتییەکانی هێناوە.

-پشتیووانی لە هەوڵەکانی ترەمپ: پشتیوانیی تەواوی خۆیان بۆ هەوڵە ڕاستەقینەکانی دۆناڵد ترەمپ دەردەبڕن بۆ هێنانەدی ئاشتیی هەمیشەیی لە ڕۆژهەڵاتی ناوەڕاستدا.

-گرەنتیی ئاسایش بۆ هەمووان: بەڵێنی کارکردنی پێکەوەیی دەدەن بۆ جێبەجێکردنی ڕێککەوتنەکە، کە گرەنتیی ئاشتی و ئاسایش بۆ "هەموو گەلانی ناوچەکە دەکات، بە فەلەستینی و ئیسرائیلییەکانیشەوە."

 

-چارەسەری داهاتوو لە ڕێگەی دیپلۆماسییەوە: پابەندبوونی خۆیان دووپات دەکەنەوە کە هەر ناکۆکی و گرژییەک لە داهاتوودا ڕووبدات، لە ڕێگەی دیپلۆماسیەت و دانوستاندنەوە چارەسەری بکەن.