حكومەتی هەرێمی كوردستان نرخی گۆشت كۆنترۆڵ دەكات

ئاڤا نیوز

حکومەتی هەرێمی کوردستان  بەدواداچوونی بۆ گرانبونی نرخی گۆشت کردووە، وەزیری بارزگانی و پیشەسازی هەرێم دەڵێت "هەموو ڕێکارێک دەگرنەبەر بۆ کۆنتڕۆڵکردنی نرخی گۆشت و بەرزبونەوەی نرخەكەی جیهانییە".

لێدوانی فەرمیی: "بە نووسراوی فەرمی ئەنجوومەنی وەزیرانیان ئاگادارکردوەتەوە لە گرانبونی نرخی گۆشت لە بازاڕەکاندا، هەموو ئەو ڕێکارانەش خراونەتەڕوو کە پێویستە بگیرێنەربەر بۆ دابەزاندنی نرخی گۆشت". کەمال موسلیم وەزیری بارزگانی و پیشەسازیی هەرێمی كوردستان وای گوت.

لەلایەکی دیکەوە: ئەسیر غرێری، وەزیری بازرگانی عێراق ڕایگەیاند: بەرزبونەوەی نرخی گۆشت تەنیا لە عێراق و هەرێمی کوردستان نییە، بەڵکو ئێستا لە تەواوی جیهان نرخی گۆشت و هێلکە بەرزبوەتەوە، کەموکوڕی هەیە لە سامانی ئاژەڵدا.

" پێویست ناکات هاوڵاتییان ترس و دڵەراوکێیان هەبێت، کۆگاکانی عێراق پڕن لە خۆراک و گرفتی کەمی خۆراک دروست نابێت".

چارەسەرەکان: ئەسیر غرێری گوتی: بۆ کۆنتڕۆڵکردنی نرخی گۆشت داوا لە وەزارەتی کشتوکاڵ دەکەین ڕێکاری پێویست بگرێتەبەر بۆ دابەزاندنی نرخی گۆشتی سوور لە بازاڕەکاندا.