سەرۆکوەزیران بارزانی: تا پێکهێنانی حکومەتی نوێ لە پێشکەشکردنی خزمەتگوزاری بەردەوام دەبین

ئاڤا نیوز

 

ئەنجوومەنی وەزیرانی حکومەتی هەرێمی کوردستان کۆبووەوە و سەرۆکوەزیران مەسرور بارزانی جەختی لە ڕاپەڕاندنی ئەرک و کارەکانی حکومەتی هەرێمی کوردستان کردەوە.

 

وێنە گەورەکە: ڕۆژی چوارشەممە سەرۆکوەزیران مەسرور بارزانی لە کۆبوونەوەی ئەنجوومەنی وەزیران کە تەوەرەکانی مووچە و سەرژمێری و هەناردەکردنەوی نەوتی لەخۆگرتبوو، جەختی لە ڕاپەڕاندنی ئەرک و کارەکانی کابینەی نۆیەمی حکومەتی هەرێمی کوردستان بۆ خزمەتکردنی هاووڵاتیان کردەوە.

 

لێدوانی فەرمی: سەرۆکوەزیران مەسرور بارزانی ڕایگەیاند: کابینەی نۆیەم بەردەوام دەبێت لە جێبەجێکردنی ئەرکە سەرەکیيەکان و پێشکەشکردنی خزمەتگوزارییەکان بۆ خەڵکی هەرێمی کوردستان بێ جیاوازی، تا پێکهێنان و دەستبەکاربوونی کابینەی نوێی حکومەتی هەرێی کوردستان.

 

ئەوەی پێویستە بیزانیت: لە هەڵبژاردنی خولی شەشەمی پەرلەمانی کوردستان پارتی دیموکراتی کوردستان بە 39 کورسی پلەی یەکەمی بەدەستهێنا و بەو هۆیەوە پارتی خۆی کابینەی داهاتووی حکومەتی هەرێم پێکدەهێنێت و لە ڕۆژانی داهاتوو گفتوگۆ لەگەڵ لایەنەکان دەستپێدەکات.