ترەمپ سیاسەتی نوێ لە عێراق و ناوچەکە دەگرێتەبەر

ئاڤا نیوز 

 

دوای ئەوەی دۆناڵد ترەمپ لە هەڵبژاردنی سەرۆکایەتی ئەمریکادا سەرکەوت، عێراق و ناوچەکە، دەڕواننە قۆناغی دوای دەستبەکابوونی. 

 

وێنە گەرەکە: ڕۆژی 5-11-2024 هەڵبژاردنی سەرۆکایەتیی ئەمریکا بەڕێوچوو، بە گوێرەی ئەنجامە بەراییەکان دۆناڵد ترەمپ، بەربژێری کۆمارییەکان وەک  47ـەمین سەرۆکی ویلایەتە یەکگرتووەکانی ئەمریکا هەڵبژێردرا.

 

لێدوانی فەرمی: میسال ئالووسی، سیاسەتمەداری عێراقی بەئاڤا نیوزی گوت: "ترەمپ سیاسەتی دارایی لەگەڵ عێراق دەگۆڕێت و ڕێکاری نوێ دەگرێتەبەر بۆ ئەوەی دۆلار لە عێراقەوە نەگاتە ئێران و سووریا".

 

لەلایەکی دیکەوە: پسپۆڕانی کاروباری سیاسی پێیان وایە ترەمپ سیاسەتێکی توند بەرامبەر گرووپە چەکدارەکانی نزیک لە ئێران دەگرێتەبەر، لەوبارەیەوە عەقیل عەباس، توێژەری سیاسی بۆ ئاڤا نیوزی ڕوونکردەوە: "حکوومەتی عێراق ئەگەر سنورێک بۆ گرووپە چەکدارەکانی سەر بە ئـێران دانەنێت و کۆتایی بە کڕینی غاز و کارەبا لە ئێران نەهێنێت، دەکەوێتە ژێر فشارێکی زۆرەوە".

 

لە گۆشەیەکی دیکە: موکەڕڕەم ڕەبباح، مامۆستا لە زانکۆی ئەمریکی لە لوبنان بەئاڤا نیوزی ڕاگەیاند: "دوای دەستبەکاربوونی ترەمپ لە سەرۆکایەتیی کۆماری ئەمریکا ، گۆڕانکارییەکی ڕیشەیی لە ناوچەکەدا دێتە ئاراوە".