یەکەم گوژمەی مووچەی مانگی 10 خەرج دەکرێت

ئاڤا نیوز

 

نووسراو بۆ تەیف سامی دەکرێت ڕەزامەندی لەسەر خەرجکردنی یەکەم گوژمەی مووچەی مانگی 10 بدات و  چاوەڕوان دەکرێت لەم ڕۆژانە خەرج بکریت.

 

وێنە گەورەکە: وردبینیکردن لە لیستی مووچەی مانگی 10 لە بەڕێوەبەرایەتیی گشتیی ژمێریاریی وەزارەتی دارایـی عێـراق لە قۆناغی کۆتایی دایە، لیستەکە کەمترین هەڵەی تێدا بووە، تەنانەت لیستی هەندێک وەزارەت هیچ کێشەیەکی نەبووە.

 

زانیاریی تایبەت: ئاڤا میدیا زانیاریی دەستکەوتووە بەڕێوبەرایەتی گشتیی ژمێریاری ئەمڕۆ پێنجشەممە نووسراوی خەرجکردنی گــوژمەی یەکەمی مووچـەی مانگی 10ـی بۆ تەیف سامی، وەزیری دارایی کردووە، گوژمەکەش زۆرە و سەدان ملیار دینار دەبێت.

 

ئەوەی پێویستە بیزانیت: حکومەتی هەرێمی کوردستان بۆ مووچەی مانگی 10 پێویستی بە 996 ملیار دینارە، چاوەڕوان دەکرێت سەرەتای هەفتەی داهاتوو گوژمەی یەکەم لەلایەن بەغدا بنێردرێت، دوای تەواوبوونی وردبینیش گوژمەکانی دیکە خەرج بکرێن.

 

لەلایەکی دیکەوە: تاوەکو ئێستا نزیکەی 20 هەزار فەرمانبەر ماون بایۆمەتری و یو پی ئێن بکەن، مووچەی مانگی 10 یان بۆ خەرج دەکرێت، بەڵام دەبێت پێش 20ی ئەم مانگە خۆیان تۆمار بکەن ئەگەرنا مووچەیان دەبڕدرێت.