ڕێککەوتنی TBI و هەژماری من ئاشکرا کرا؛ دوو لقی نوێ لە هەولێر و سلێمانی دەکاتەوە

ئاڤا نیوز

 

شاندی تەکنیکی بانکی TBI و هەژماری من کۆبوونەوە و هەردوولا ڕێککەوتن لەسەر خێرا تۆمارکردنی فەرمانبەران و دانانی ئامێری ڕاکێشانی پارە ATM لەسەرتاسەری هەرێمی کوردستان. 

 

ڕاگەیێنراوی فەرمی: بانکی عێراقی بۆ بازرگانی TBI و تیمی هەژماری من یەکەمین کۆبوونەوەیان دوابەدوای واژووکردنی گرێبەستەکەیان ئەنجامدا، ڕێککەوتن لەسەر خێراکردنی تۆماری فەرمانبەران و گەیاندنەوەی کارتەکان و دانانی ئامێرەکانی ڕاکێشانی پارە ATM لە سەرتاسەری هەرێمی کوردستان.

 
زانیاریی زیاتر: مانگی 5ی ئەمساڵ بانکی عێراقی بۆ بازرگانی TBI بە ڕێککەوتنی سەرەتایی هاتە نێو 'هەژماری من'، بوو بە هەشتەم بانکی بەشداربووی پرۆژەکە.

ئەوەی پێویستە بیزانیت: بەگوێرەی ڕێککەوتنەی، دوو لقی نوێی بانکی TBI لە پارێزگای هەولێر و سلێمانی دەکرێتەوە، هاوکات دەیان ئامێری ڕاکێشانی پارە لەنێو کابینەکانی 'هەژماری من' لەسەرانسەری کوردستان جێگیر دەکات.

 

زانیاریی بەدەستهاتوو: بەم نزیکانە دەست بە دابەشکردنی زیاتر لە 10 هەزار کارتی بانکی TBI  دەکرێت.

 

لەلایەکی دیکەوە: تیمی هەژماری من داوا لەو مووچەخۆرانە دەکات، کە خۆیان تۆمار نەکردووە، بچن سەردانی بریکارەکانی 'هەژماری من بکەن و خۆیان تۆمار بکەن.

 

خاڵە ئەرێنیەکان: ئەو فەرمانبەرانەی لە ڕێگەی هەشت بانکەکەی نێو 'هەژماری من' خۆیان تۆمار دەکەن، لە داهاتوودا لە سەرجەم خزمەتگوزارییە دارایی و بانکییەکان سودمەند دەبن.

 

ئەمەش بزانە: تاوەکو ئێستا 700 هەزار فەرمانبەر لە پرۆژەی هەژماری من خۆیان تۆمار کردووە،