بەبیانووی بڵاوبوونەوەی نەخۆشی ڕێگە بە هەناردەی مریشک نادرێت بۆ پارێزگاکانی عێراق

ئاڤا نیوز

 

زیاتر لە ساڵێک دەبێت گرفت بۆ هەناردەکردنی مریشک لە هەرێمی کوردستانەوە بۆ خوار و ناوەڕاستی عێراق دروستبووە، حکومەتی فیدراڵی بڕیاریداوە لە پێناوی بڵاونەبوونەوەی نەخۆشی ڕێگە بە هاوردەکردنی مریشکی زیندوو نەدرێ.

 

وێنە گەورەکە: حکومەتی هەرێم لە چوارچێوەی خواستی حکومەتی فیدڕاڵ، لە رێگەی 13 سەربڕخانەوە دەیەوێت بەرهەمی مریشک دوای سەربڕینیان ئینجا هەناردەی ناوەڕاست و خوارووی عێراق بکات.

 

زانیاریی زیاتر:  نزیکەی 3000 کێڵگەی پەلەوەری مریشک بەرهەمدەهێنن، تەواوی پرۆژەکانیش بەرهەمی ساڵێکیان دەگاتە 150 ملیۆن مریشک، بەهۆی هەناردە نەکردنی بەرهەمەکانیشیان زیانێکی زۆر بەر خاوەن پڕۆژەکان کەوتووە.