ڕاوێژکارێکی سوودانی: کێشە بۆ مووچەی مانگی 11 و 12 دروست نابێت

ئاڤا نیوز 

بەپێی ڕێککەوتنی نێوان حکومەتی هەرێمی کورستان و حکومەتی عێراق، تاوەکو مانگی 12 بەبێ گرفت مووچەی فەرمانبەران لەلایەن بەغدا دەنێردرێت.

 

لێدوانی فەرمی: عائید هیلالی، ڕاوێژکاری ڕاگەیاندنی سەرۆکوەزیرانی عێراق، لەو بارەیەوە بە ئاڤا نیوزی ڕاگەیاند: "ڕێککەوتن و لێکتێگەیشتن لە نێوان حکومەتی هەرێمی کوردستان و حکومەتی فیدڕاڵ هەیە بۆ ناردنی مووچەی فەرمانبەران، هەر بۆیە لەو باوەڕە دانیم کێشە دروست ببێت بۆ ناردنی مووچە".

 

عائید هیلالی، باسی لەوەشکرد: نیازپاکی هەیە لە نێوان هەردوولا بۆ چارەسەرکردنی هەموو کێشە و گرفتەکان، بەشێکی زۆر لە کێشەکانیش چارەسەریان بۆ دۆزراوەتەوە، لەماوەی داهاتوودا چارەسەری ڕیشەی بۆ سەرجەم کێشەکان دەکرێت بە تایبەت گرفتەکانی پەیوەست بە مووچە.

 

ئەمەش بزانە: ڕاوێژکاری سوودانی سەبارەت بە مووچەی مانگی 11 و 12 دەڵێت: "هیچ کێشەیەک نابینم لە پرسی ناردنی مووچەی مووچەخۆران بۆ دوو مانگی داهاتوو، چونکە حکومەتی فیدراڵ بەشێوەیەکی یەکسان کاردەکات لەگەڵ هەرێمی کوردستان".