سوودانی سەردانی هەولێر دەکات

ئاڤا نیوز

محەممەد شیاع سوودانی، سەرۆکوەزیرانی عێراق بۆ تاوتوێکردنی چەند پرسێک سەردانی هەولێر دەکات.

وێنە گەورەکە: لە چەند ڕۆژی داهاتوودا محەممەد شیاع سوودانی، سەرۆکوەزیرانی عێراق سەردانی هەولێر دەکات و لەگەڵ سەرۆکوەزیران مەسرور بارزانی کۆدەبێتەوە.

زانیاریی تایبەت: سەرۆکوەزیرانی عێراق و سەرۆکوەزیران بارزانی گفتوگۆ لەبارەی چوار تەوەر دەکەن:

یەکەم: تاوتوێکردنی بارودۆخی هەرێمی کوردستان دوای هەڵبژاردنی خولی شەشەمی پەرلەمانی کوردستان.

دووەم: بەرەوپێشبردنی پەیوەندییەکانی نێوان هەولێر و بەغدا.

سێیەم: چارەسەرکردنی کێشەکانی نێوان هەولێر و بەغدا، بەتایبەت پرسەکانی؛ سەرژمێری، بودجە و مووچە، دەستپێکردنەوەی هەناردەکردنی نەوتی کوردستان و کێشەی زەویوزاری جووتیارانی کورد لە کەرکووک و ناوچەکانی دەرەوەی ئیدارەی هەرێمی کوردستان.

چوارەم: تاوتوێکردنی بارودۆخی ناوچەکە دوای هەڵبژاردنەوەی دۆناڵد ترەمپ بە سەرۆکی ئەمریکا.