سەرۆکی هەرێمی کوردستان ماڵئاوایی لە باڵیۆزی ژاپۆن دەکات

ئاڤا نیوز

 

سەرۆکی هەرێمی کوردستان و باڵیۆزی ژاپۆن لە عێراق کۆبوونەوە و تاوتوێی پەرەپێدانی پەیوەندییەکانی نێوان هەرێمی کوردستان و ژاپۆنیان کرد.

 

وێنە گەورەکە: ڕۆژی یەکشەممە 2024/11/10، نێچیرڤان بارزانی، سەرۆکی هەرێمی کوردستان و ماتسومۆتۆ فۆتوشى، باڵيۆزى ژاپۆن له‌ عێراق بەبۆنەی کۆتاییهاتنی ئەرکەکەی وەک باڵیۆزی ئەو وڵاتە لە عێراق کۆبوونەوە و چەند پرسێکیان تاوتوێ کرد.

 

ڕاگەیێنراوی فەرمی: سەرۆکایەتی هەرێمی کوردستان ڕایگەیاند: "بەبۆنەی کۆتاییهانتنی ئەرکەکەی وەک باڵیۆزی ژاپۆن لە عێراق، سەرۆکی هەرێمی کوردستان پێشوازی لە ماتسومۆتۆ فۆتوشى کرد و ماڵئاوایی لێکرد". 

 

زانیاریی زیاتر: لەمیانی کۆبوونەوەکەیان، سەرۆکی هەرێمی کوردستان ستایشی ڕۆڵی ئەرێنی و هەوڵەکانی باڵیۆزی ژاپۆنی بۆ برەودان بە پەیوەندییەکانی نێوانیان کرد و هیوای سەرکەوتنی لە ئەرکی داهاتووی بۆ خواست.

 

لەلایەکی دیکەوە: باڵیۆزی ژاپۆن پێزانین و سوپاسی بۆ پشتگیری لایەنە پەیوەندیدارەکان لە سەرخستنی ئەرکەکەی دەربڕی و، جەختی لە خواستی وڵاتەکەی بۆ پەرەپێدانی پەیوەندییەکان و فراوانکردنی هاوکاری هاوبەش لەگەڵ هەرێمی کوردستان و عێراق کردەوە.

 

ئەوەی پێویستە بیزانیت: هەڵبژاردنی پەرلەمانی کوردستان و دۆخی عێراق و ناوچەکە تەوەرێکی دیکەی گفتوگۆی نێوان سەرۆکی هەرێمی کوردستان و باڵیۆزی ژاپۆن بوو.