لە بەسرە باندێکی نێودەوڵەتیی ماددەی هۆشبەر دەستگیر دەکرێت

ئاڤا نیوز

 

هێزە ئەمنییەکانی پارێزگای بەسرە لە ئۆپەراسیۆنێکدا چوار بازرگانی ماددەی هۆشبەریان دەستگیر کرد کە یەکێکیان بازرگانێکی بیانییە و 170 کیلۆگرام ماددەی کەپتاگۆنیش دەستی بەسەرداگیراوە.

 

وێنە گەورەکە: لە ناوەڕاست و باشووری عێراق باندی ناوخۆیی و نێودەوڵەتیی بازرگانیی ماددە هۆشبەرەکان و بەکارهێنانی ئەو ماددانە بەشێوەیەک بڵاوبوونەتەوە، ڕۆژانە هێزە ئەمنییەکان ئۆپەراسیۆنی دەستگیرکردنی تۆمەتباران ئەنجامدەدەن.

 

ڕاگەیێنراوی فەرمی: بەڕێوەبەرایەتیی گشتیی کاروباری ماددە هۆشبەرەکان ڕایگەیاند:  "لە پارێزگای بەسرە تۆڕێکی چوار کەسیی ماددە هۆشبەرەکان، کە یەکێکیان بیانی بوو بە 170 کیلۆگرام ماددەی کەپتاگۆنەوە دەستگیرکران."

 

ئەوەی پێویستە بیزانیت: لە ماوەی سێ ساڵی ڕابردوودا وەزارەتی ناوخۆی عێراق، 43 هەزار بازرگان و بەکارهێنەری ماددە هۆشبەرەکانی دەستگیر کردووە و لەنێویشیاندا 27 تۆڕی نێودەوڵەتیی بازرگانیی ئەو ماددانە دەستگیرکراون.