ترەمپ و نەتانیاهۆ هۆشداری بە حەماس دەدەن: چەک دانەنێی چەکت پێدادەنێین

ئاڤا نیوز

دوای ڕێککەوتنی ئاگربەستی غەززە، هەر یەکە لە سەرۆکی ئەمریکا و سەرۆکوەزیرانی ئیسرائیل هۆشداری بە حەماس دەدەن کە 'پابەندی ڕێککەوتنەکە و پرسی چەکدانان بێت.'

 

لێدوانی فەرمی: بنیامین نەتانیاهۆ، سەرۆکوەزیرانی ئیسرائیل لە چاوپێکەوتنێکدا لەگەڵ کەناڵی سی بی ئێس نیوز ڕایگەیاند،، "ڕازی بووم دەرفەتێک بە ئاشتی بدەم، بەپێی پلانی ئاشتی 20 ترەمپ ئەگەر حەماس پابەند ڕێککەوتنی ئاگربەستی غەززە نەبێت ئەوا دەرگای دۆزەخی بەڕوودا دەکرێتەوە''.

-دەشڵێت، "ئازادکردنی بارمتەکان و دڵنیابوون لە چەکداماڵینی حەماس بۆ گەیشتن بە ئاشتییەکی هەمیشەیی زۆر گرنگن.

 

لەلایەکی دیکەوە: دۆناڵد ترەمپ، سەرۆکی ئەمریکا ڕایگەیاند، هەموو بارمتە زیندووەکان وەک ئەوەی پێشبینی دەکرا ئازاد کران، بەڵام ئەرکەکە هێشتا تەواو نەبووە و تەرمی هەموو بارمتەکان ڕادەست نەکراوەته‌وە، ئەگەر حەماس چەک دانەنێت، چەکی پێ دادەنێین، ئەگەر پێویستیش بکات بە شێوەیەکی توندوتیژانە ئەو کارە دەکەین، ئەوان دەزانن کە من لەو بارەوە گاڵته‌ ناکەم."