داوای دواخستنی سەرژمێری دەکرێت

ئاڤا نیوز

 

سەرۆکی دەستەی ناوچە کوردستانییەکان داوا دەکات سەرژمێری گشتیی دوابخرێت تا بارودۆخێکی سیاسیی باشتر بۆ ناوچەکانی دەرەوەی ئیدارەی هەرێمی کوردستان دەستەبەر بکرێت.

 

لێدوانی فەرمی: فەهمی بورهان، سەرۆکی دەستەی ناوچە کوردستانییەکان بە ئاڤا نیوزی ڕاگەیاند: "لەبەر ئەوەی تاوەکوو ئێستا کێشەی ناوچەکانی دەرەوەی ئیدارەی هەرێمی کوردستان چارەسەر نەکراون، لانیکەم پێمان باشە ئەو سەرژمێرییە لەو ناوچانە دوابخرێت تا ئەو کاتەی ماددەی 140 جێ بەجێ دەکرێت".

 

لەلایەکی دیکەوە: وەزارەتی‌ پلاندانی‌ حكومەتی‌ هەرێمی‌ كوردستان، هاونیشتمانیان لە بارەی  سەرژمێری گشتی ئاگادار دەكاتەوە، کە لە ڕۆژانی 16 تا 19ـی ئەم مانگە كارمەندانی سەرژمێری سەردانی ماڵەكان دەكەن بۆ تۆماركردن و ڕێكخستنی فۆرمی خێزان كە خۆی لەدوو لاپەڕە دەبینێتەوە، بۆیە پێویستە لەو ڕۆژانەدا خێزانەكان لایەنی كەم كەسێكیان لە ماڵ بێت بۆ ئەوەی زانیاریی و بەڵگەنامەی خێزانی بدات بە تیمی سەرژمێری.

 

ئەوەی پیویستە بیزانیت: ئەو بەڵگانەی‌ پیشانی تیمی سەرژمێری بدرێن ئەمانەن: كارتی نیشتمانی، ناسنامە، ڕەگەزنامە و پاسپۆرت.

 

باگکراوند: بڕیاریشە هەر لە 20 و 21ـی ئەم مانگە بەهۆی ئەنجامدانی سەرژمێری گشتیی قەدەغەی هاتووچۆ ڕابگەیێنرێت و هاوكات دەوامی داموودەزگاكانیش ڕابگیرێت و بكرێتە پشووی فەرمی.