دۆنەر کەباب ناکۆکی دەخاتە نێوان ئەڵمانیا و تورکیا

ئاڤا نیوز

 

لەنێوان تورکیا و ئەڵمانیا ناکۆکی لەسەر دۆنەر کەباب دروستبووە، هەریەک لەم وڵاتانە ئەم خواردنە بە موڵکی خۆی دەزانێت.

 

وێنە گەورەکە: دۆنەر کەباب خواستێکی زۆر هاووڵاتییانی تورکیا و ئەلمانیای لەسەرە، خواستی هاووڵاتییانی ئەو دوو وڵاتە بۆ ئەو خواردنە بەجۆرێکە ئێستا لە پێش خواردنە خێراکانی دیکەوەیە و خەریکە دەبێتە خواردنی سەرەکی.

 

ڕاگەیێنراوی فەرمی: حکومەتی تورکیا لەو بارەیەوە داوایەک ئاڕاستەی کۆمیسیۆنی ئەوروپا دەکات: داوا دەکەین کەبابی دۆنەر وەک تایبەتمەندییەکی تورکی بناسێنرێت.

 

بۆچوونی لایەنی بەرامبەر: سێم ئۆزدەمیر، گوتەبێژی وەزارەتی خۆراک و کشتوکاڵی فیدراڵی ئەڵمانیا لەو بارەیەوە دەڵێت: دۆنەر کەباب بەشێکە لە ئەڵمانیا دەبێت بپارێزرێت.

 

لەلایەکی دیکەوە: لەمیانەی درێژەی کێشانی ئەو ناکۆکیە وەکو نێوەندگیرێک بەشێک لە وڵاتان، داوا لە حکومەتی هەردوو وڵات دەکەن گفتوگۆ بکەن بۆ ئەوەی ئەم بابەتە یەکلاببێتەوە و خەڵکی بۆیان ڕوون بێتەوە کەبابی دۆنەر موڵکی کێیە.

 

ئەوەی لەبارەیەوە دەوترێت: لە سەرەتای 70 کانی سەدەی ڕابردوو، دوو پیاوی بە ڕەگەز تورک لە ئەڵمانیا کەبابی کلاسیکی دۆنەری تورکییان دروستکردووە، بەمەش ئەڵمانییەکان بە موڵکی خۆیانی دەزانن.

 

زانیاریی بەدەستهاتوو: بەپێی ئامارەکانی کۆمەڵەی بەرهەمهێنەرانی دۆنەری تورکی، کە بنکەکەی لە بەرلینی پایتەختی ئەڵمانیایە، ئاشکرایان کردووە کە داهاتی ساڵانەی کارگەی دروستکردنی دۆنەرێکی سادە دەگاتە 2.3 ملیار یۆرۆیە.