کۆنفرانسی جیهانیی گۆڕانی ئاو و هەوا لە ئازەربایجان بەڕێوەدەچێت

ئاڤا نیوز

 

بەبەشداریی نزیکەی  50 هەزار نوێنەری وڵاتان و هاوشان لەگەڵ 190 وڵاتی جیهان، هەرێمی کوردستان بەشداریی لە کۆنفرانسی جیهانیی گۆڕانی ئاو و هەوا لە باکۆی پایتەختی ئازەربایجان دەکات.

 

وێنە گەورەکە: کۆنفرانسی جیهانیی گۆڕانی ئاو و هەوا ناسراو بە  کۆپ 29، ئەمڕۆ کارە و چالاکییەکانی دەستپێدەکات و تاوەکو 22-11-2024 بەردەوام دەبێت، هەڵوێستە لەسەر ڕووبەڕووبوونەوەی ئاڵنگارییەکانی بەردەم گۆڕانی ئاو و هەوا لە جیهان دەکرێت.

 

زانیاریی بەدەستهاتوو: ئامانجی کۆپ 29 لە ماوەی 11 ڕۆژی کۆنفڕانسەکەدا ڕەخساندنی زەمینەیە بۆ کۆکردنەوەی هاوکاری دارایی بۆ ئەو وڵاتانەی هەژارن و  لە هێڵی سووری مەترسی گۆڕانکاری ئاو و هەوادان.

 

ئەوەی پێویستە بیزانیت: هەرێمی کوردستان بەشدارە لە کۆنفرانسەکە، ئەمڕۆ نێچیرڤان بارزانی، سەرۆکی هەرێمی کوردستان لە کۆنفرانسەکە ئامادە دەبێت.