حکومەتی عێراق پابەندیی خۆی بە پاڵپشتیکردنی دۆزی وڵاتانی عەرەبی دووپات دەکاتەوە

ئاڤا نیوز

 

حکومەتی عێراق لوتکەی نائاسایی عەرەبی و ئیسلامی بە هەنگاوێکی گرنگ دەزانێت بۆ بەهێزکردنی ڕۆڵی هەرێمی و گەیشتن بە سەقامگیری و هاوکاری نێوان وڵاتانی عەرەبی، هاوکات پابەندیی خۆی بە پاڵپشتیکردنی دۆزی وڵاتانی عەرەبی دووپات دەکاتەوە.

 

وێنە گەورەکە: بڕیارە ئەمڕۆ دووشەممە 11-11-2024، لوتکەی نائاسایی عەرەبی ئیسلامی تایبەت بە پرسی غەززە و لوبنان، لە ڕیازی پایتەختی سعودیە بە بەشداری سەرۆک و شاندی وڵاتانی عەرەبی و ئیسلامی بەڕێوەبچێت، باس لەوە دەکرێت لە پەیامی کۆتاییدا خۆی لوتکەکە داوای هەنگاوی کردەیی بکات بۆ چارەسەری دوو دەوڵەت لەنێوان ئیسرائیل و فەڵەستین.

 

لێدوانی فەرمی: باسم عەوادی، گوتەبێژی حکومەتی عێراق ڕایگەیاند: عێراق چاوی لە کۆکردنەوەی پشتیووانی وڵاتانی عەرەبییە بۆ دۆزی فەلەستین و ڕاگرتنی دەستدرێژی ئیسرائیل بۆ سەر غەززە و لوبنان لە میانی لوتکەی بەپەلەی عەرەبی و ئیسلامی لە ڕیاز.

 

بابەتە ستراتیژییەكان: بە گوتەی عەودای عێراق هەوڵدەدات ئەم لوتکەیە ببێتە سەکۆیەک بۆ پشتیوانیکردن لە فەڵەستینی و لوبنانییەکان، هاوکات عێراق پابەندە بە پاڵپشتیکردنی دۆزی وڵاتانی عەرەبی و کارکردن بۆ سەرخستنی لوتکەکە و فەراهەمکردنی سەکۆیەک بۆ گەیشتن بە سەقامگیری و گەشەسەندن.

 

ئەوەی لەوبارەیەوە دەگوترێت: عێراق لوتکەی ڕیاز بە هەنگاوێکی گرنگ دەزانێت بۆ بەهێزکردنی ڕۆڵی هەرێمی و گەیشتن بە سەقامگیری و هاوکاری نێوان وڵاتانی عەرەبی. هاوکات عێراق لوتکەی ڕیاز بە دەرفەتێک دەزانێت بۆ سەلماندنی توانای خۆی بۆ ئەوەی ببێتە کاراکتەرێک بۆ هاوکاریی وڵاتانی عەرەبی. باسم عەوادی وادەڵێت.