لە فەرمانگەیەکی دیکە پارەدان بە شێوەی کاش نامێنێت

ئاڤا نیوز

 

بەپێی ڕێنمایی بەڕێوەبەرایەتیی گشتیی ڕەگەزنامەی هەرێم، لە دوای 1-12-2024 پارەدان بەشێوەی کاش نامێنێت و تەنها لە ڕێگەی پارەدانی ئەلیکترۆنی یاخود POSـەوە مامەڵەکان ڕایی دەکرێن.

 

وێنە گەورەکە: بەڕێوەبەرایەتیی نووسینگەکانی زانیاری لە سلێمانی، ڕایگەیاند: بڕیاری پارەدان بە شێوەی ئەلیکترۆنی لە نوسینگەكانمان لە پارێزگای سلێمانی و پارێزگای هەڵەبجە و هەردوو ئیدارەی سەربەخۆی گەرمیان و ڕاپەڕین دەگرێتەوە، پێویستە هاونیشتمانیان لە کاتی سەردانیکردنی فەرمانگەکان بۆ دەرهێنانی کارتی زانیاری لە ڕێگەی کارتی ئەلیکترۆنییەوە پارە بدەن.

 

ڕاگەیێنراوی فەرمی: بەڕێوەبەرایەتیی نووسینگەکانی زانیاری لە سلێمانی دەڵێت: داواکارین لە ھاووڵاتییان، ببن بەخاوەنی کارتی زانیاری و پێویستە ھەڵگری یەکێک لەکارتەکانی ڤیزاکارد یاخود ماستەرکارد بن،  بۆ ئەوەی کارەکانیان بۆ ڕایی بکرێت.

 

بەڕێوەبەرایەتییەکە ئاماژە بەوەش دەکات، "بەبێ کارتی پارەدانی ئەلیکترۆنی دوای 1-12-2024 سەردانمان نەکەن، چونکە ناتوانین کارەکانتان ڕایی بکەین".