سوودانی: قبووڵ ناکەین کەس بەهۆی کێشە هەڵپەسێردراوەکان زەرەرمەند بێت

ئاڤا نیوز

سەرۆکوەزیرانی عێراق لە کۆبوونەوەیدا لەگەڵ عەلی باپیر، جەخت لە چارەسەرکردنی کێشە هەڵپەسێردراوەکان دەکاتەوە و ڕایدەگەیێنێت،  قبوڵ ناکەن هیچ کەسێک بەهۆی ئەو کێشانەوە زەرەرمەند بێت.

چیرۆکی سەرەکی: محەممەد شەیاع سوودانی، سەرۆکوەزیرانی عێراق لە چوارچێوەی سەردانەکەیدا بۆ هەرێمی کوردستان، لە هەولێر لەگەڵ عەلی باپیر، سەرۆکی کۆمەڵی دادگەریی کوردستان کۆبووەوە.

ڕاگەیێنراوی فەرمی: بەپێی ڕاگەیێنراوێکی نووسینگەی سوودانی، لە دیدارەکەدا باس لە دۆخی گشتی عێراق کراوە و جەخت لەسەر هەوڵە هاوبەشەکان کراوەتەوە بۆ ڕووبەڕووبوونەوەی ئاستەنگە جیاوازەکان، هەروەها بەهێزکردنی هەماهەنگی نێوان هێزە سیاسییەکان بۆ گەیشتن بە ئامانجە هاوبەشەکان کە پاڵپشتی سەقامگیری و ئاسایشی عێراق دەکەن.

زانیاریی زیاتر: سوودانی ئاماژەی بەوە داوە سەردانەکەی بۆ هەرێمی کوردستان لە چوارچێوەی پەیوەندی و هەماهەنگی لەگەڵ سەرجەم هێز و ڕەوتە سیاسییەکان دێت و جەختی کردووەتەوە، لەسەر پەرۆشی حکومەت بۆ پەیوەندی لەگەڵ هێزە سیاسییەکانی دیکە و کارکردن بۆ چارەسەرکردنی دۆسیەکان و قبووڵنەکردنی ئەوەی عێراقییەکان لە هەرشوێنێک هەن زەرەرمەند بن؛ بەهۆی هەندێ لە کێشە چارەسەرنەکراوەکان.

بۆچوونی بەرامبەر: عەلی باپیر سوپاسی سوودانی کردووە بۆ ئەم هەنگاوە و ئاماژەی بەوە داوە حکومەتەکەی بووەتە جێی متمانەی عێراقێکان لە هەر جێیەکدا.