سوودانی سەردانی سلێمانی دەکات

ئاڤا نیوز

دوای ئەنجامدانی زنجیرەیەک كۆبوونەوە لەگەڵ بەرپرسانی باڵای هەرێمی كوردستان لە شاری هەولێر، محەممەد شیاع سوودانی، سەرۆكوەزیرانی عێراق بۆ شاری سلێمانی بەڕێكەوت.

زانیاریی بەدەستهاتوو: كەمێك پێش ئێستا محەممەد شیاع سوودانی، سەرۆكوەزیرانی عێراق لەڕێگەی فڕۆكەوە لە فڕۆكەخانەی نێودەوڵەتیی هەولێر بۆ شاری سلێمانی بەڕێكەوت و كەمێكی دیكە دەگاتە جێ.

زانیاریی تایبەت: سوودانی لە سلێمانی لەگەڵ بافڵ تاڵەبانی، سەرۆکی یەکێتیی نیشتمانیی کوردستان؛ سەڵاحەددین محەممەد بەهائەدین، ئەمینداری یەکگرتووی ئیسلامیی کوردستان؛ شاسوار عەبدولواحید، سەرۆکی جووڵانەوەی نەوەی نوێ؛ لاهوور شێخ جەنگی، سەرۆکی بەرەی گەل و  عەلی حەمە ساڵح، بڕیاردەری ڕەوتی هەڵوێست كۆببێتەوە.

باکگراوند: سوودانی ئەمڕۆ بە سەردانێک گەیشتە هەرێمی کوردستان و لە هەولێر لەگەڵ سەرۆک بارزانی، مەسرور بارزانی، سەرۆکوەزیرانی هەرێمی کوردستان، نێچیرڤان بارزانی، سەرۆکی هەرێمی کوردستان و عەلی باپیر، سەرۆکی کۆمەڵی دادگەری کۆبووەوە.