ئاوڕدانەوەیەک لە مێژووی دێرینی پایتەختی ڕۆشنبیری

 

ئاڤا نیوز

 

سلێمانی، ئەو شارەی مێژووی دروستبوونی دوو سەدە و نیو دەبێت، بەڵام درەوشاوە و جوانییەەکەی بۆ هەمیشە بەسەر ئاسمانی کوردستانەوەیە.

 

چیرۆکە سەرەکییەکە: بەدرێژایی 100 ساڵی ڕابردوو، بزاوتی ڕۆشنبیری و پێگەیاندنی هونەر لەم شارە هەرگیز نەکوژاوەتەوە، هەربۆیە کە ناوی سلێمانی دێت لەگەڵیدا دەوترێت شاری ڕۆشنبیری. لەلایەکی دیکە لەماوەی ئەو 100 ساڵە ڕۆحی بەرەنگاری و قوربانیدان ئەم شارەی کردووەتە خاوەنی نازناوی شاری هەڵمەت و قوربانی.

 

ئەوەی پێویستە بیزانیت: زۆربەی سەرچاوە مێژووییەکان کۆکن لەسەر ئەوەی، شاری سلێمانی ڕۆژی 14-11-1784 لەلایەن ئیبراهیم پاشای بابانەوە ئاوەدان کراوەتەوە و پایتەختی میرنشینەکەی لە قەڵاچوالانەوە گواستووەتەوە سلێمانی، ئیبراهیم پاشا شارەکەی بەناوی باوکیەوە (سلێمان پاشا) ناوناوە. ئێستا 240 ساڵ بەسەر دروستبوونی ئەو شارە ڕەنگینەی کوردستان تێپەڕ دەبێت.