سلێمانی بەچەندین کەسایەتیی و شوێنی ناوازە بەناوبانگە

ئاڤا نیوز

 

شانۆ بەکر پێشەشکاری ئاڤا میدیا لە ڤیدیۆواڵێکی تایبەت بە سلێمانی باس چەند کەسایەتییەکی دیار و شوێنە ناوازەکانی ئەو شارە دەکات. 

 

وێنە گەورەکە: ئەو شوێنانەی کە لە ڤیدیۆواڵەکەی ئاڤا میدیا ئاماژەیان پێدراوە ئەمانەن، "بەردەرکی سەرا" کە دەکەوێتە نێوەندی شاری سلێمانییەوە و شەش شەقامی دەکەوێتە سەر، لە کۆندا بەردەرکی سەرا جێگای دەسەڵاتدارانی شاری سلێمانی بووە. 

 

"باخی گشتی و سەرچنار"، دوو جوانترین سیمای شاری سلێمانین، باخی گشتی لە ساڵی 1937 بونیادنراوە، لە نێو باخەکەدا پەیکەری چەند نوسەرێکی بەنێو بانگی شاری سلێمانی دانراوە. سەرچناریش یەکێکە لە شوێنە ناوەزاکان و بەهۆی سروشتەکەی هاووڵاتییان و دانیشتووانی شارەکە لە هەموو وەرزەکان سەردانی دەکەن.

 

گۆیژە و ئەزمەڕ، زنجیرە چیایەکن کە دەوری شارەکەیانداوە و جوانییەکی تایبەتیان پێبەخشیوە، لە وەرزی بەهار دا سەوزاییەکی ناوزە و لە وەرزی زستانیشدا بەفر چیاکان سپی پۆش دەکات و دیمەنێکی ناوازە بە سلێمانی دەبەخشن. 

 

شێرکۆ بێکەس، یەکێک لە دیارترین کەسایەتییەکانی سلێمانییە و لە بەشێک لە نوسینەکانیدا وەسفی شارەکەی دەکات، لە یەکێک لە وەسفەکانیدا بۆ سلێمانی دەڵێت، لە دارەشمانە ئەستێرەیەک لە دایکبوو لە قەڵاچوالان بوو بە مانگ.

 

چەندین شوێن و کەسایەتیی تر هەن کە لە ڤیدیۆواڵەکەی ئاڤا ئاماژەیان پێدراوە.