چین ژمارەیەک كورسیی خوێندنی خۆڕایی ڕادەگەیێنێت

ئاڤا نیوز

 

وڵاتی چین ژمارەیەك دەرفەتی خوێندن بۆ قوتابییانی دبلۆمی باڵا، ماستەر و دكتۆرا ڕادەگەیەنێت، خوازیاران لە سەرانسەری جیهانەوە دەتوانن داواكاریی پێشكەش بكەن. سەرجەم تێچووی خوێندن و گەشتكردنیش لەئەستۆی حكومەتی چینە.
 
وێنە گەورەكە: كۆماری میللی چین وەك نەریتێكی ساڵانە، ژمارەیەك كورسی خوێندنی بەخۆڕایی بۆ خوازیارانی خوێندنی باڵا لەسەرجەم بوارە زانستییەكاندا بۆ ساڵی خوێندنی 2025-2026 بە هەماهەنگی لەگەڵ پارێزگای شانگەهای لەسەرتاسەری جیهانەوە دەڕەخسێنێت و هەرێمی کوردستانیش دەگرێتەوە.

 

ڕاگەیێنراوی فەرمی: لەبارەی دەرفەتەکەوە حکومەتی چین دەڵێت، سەرجەم تێچووی خوێندن و گەشتكردن لە ئەستۆی حكومەتی چین دەبێت و جگە لەوەش بۆ خەرجی گیرفان، مانگانە بڕێك پارە بەو قوتابیانە دەدرێت كە ناویان بۆ سكۆلەرشیپەكە دەردەچێت.

 

ئەوەی پێویستە بیزانیت: خوازیاران لە ئێستاوە دەتوانن داواكاریی پێشكەش بكەن و پۆرتاڵی پێشكەشكردن  تا ڕێككەوتی 2025/4/15بەردەست دەبێت.

 

ئەمەش بزانە:   یەکێک لە ئاسانکارییەکانی حکومەتی چین ئەوەیە، مەرجی هەبوونی توانستی زمانی ئینگلیزی جۆری (ئایەڵتس)ـی تێدا نییە.

 

لەڕێگەی ئەم لینکەوە دەتوانن داواکاریی پێشکەش بکەن