حكومەتی هەرێمی كوردستان: پشووی گشتیی تەنیا دوو ڕۆژە

ئاڤا نیوز

 

فەرمانگەی میدیا و زانیاریی حكومەتی هەرێمی كوردستان، سەبارەت بە پشووی ڕۆژانی بەڕێوەچوونی  پرۆسەی سەرژمێری ڕوونكردنەوە دەدات و دەڵێت، "تەنها دوو ڕۆژە".

 

ڕاگەیێنراوی فەرمی: فەرمانگەی میدیا و زانیاریی ڕایگەیاند: پشووی فەرمی بە هۆی ئەنجامدانی سەرژمێری، لە ڕۆژی (15-11-2024 تاوەکوو 23-11-2024) تەنیا ئەوانە دەگرێتەوە کە فەرمانبەرانی ڕاژەی شارستانی، سەربازی، هێزی ئاسایشی ناوخۆ و قوتابییان لە گشت قۆناغەکانی خوێندن لە قوتابخانە و زانکۆکان، کە خەڵکی ناوچەکانی ماددەی 140ی دەستوورن.

 

لەلایەكی دیكەوە: بەپێی ڕاگەیێنراوەكەی فەرمانگەی میدیا و زانیاری، ئەم پشووە جگە لە ڕۆژانی 20-21ـی ئەم مانگە، فەرمانبەرانی هەرێمی کوردستان ناگرێتەوە کە خەڵکی ناوچەکانی ماددەی 140ی دەستوور نین.