کۆریای باکوور درۆنی هێرشبەر بەرهەم دەهێنێت

ئاڤا نیوز

 

کیم جۆنگ ئوون، ڕێبەری کۆریای باکوور، فەرمانی بە هێزەکانی وڵاتەکەی کردووە  ژمارەیەکی زۆر 'درۆنی هێرشبەر' بەرهەم بهێنن. 

 

ڕاگەیێنراوی فەرمی: هەواڵەکە میدیای فەرمیی کۆریای باکوور بڵاوی کردووەتەوە و ڕایگەیاندووە، درۆنەکان لەلایەن 'کۆمەڵگای تەکنەلۆژیی ئاسمانیی بێسەرنشین'ـەوە بەرهەم دەهێنرێن.

 

زانیاریی زیاتر: مانگی ئابی ئەمساڵ کۆریای باکوور بۆ یەکەمجار پەردەی لە سەر درۆنە هێرشبەرەکانی لادا. درۆنەکانی کۆریای باکوور دەتوانن ئامانجەکانی لەسەر زەوی و لە دەریا بپێکێن. 

 

ئەمەش بزانە: ئەم فەرمانەی ڕێبەری کۆریای باکوور لە کاتێکدایە کە هاوکارییەکانی کۆریای باکوور بۆ ڕووسیا لە شەڕی دژ بە ئۆکراینا زیاتر بوون.