بڕیاریک لە وەزارەتی خوێندنی باڵاوە بۆ ئەو قوتابییانەی لە دەرەوەی وڵات دەخوێنن

ئاڤا نیوز

 

پرۆسەی سەژمێری لە عێراق و هەرێمی کوردستان دەستپێدەکات و وەزارەتی خوێندنی باڵاش ئاسانکاری بۆ قوتابییان دەرەوەی وڵات دەکات.

 

ڕاگەیێنروی فەرمی: بەپێێ ڕاگەیێنراوێکی وەزارەتی خوێندنی باڵای حکومەتی هەرێمی کوردستان، بەمەبەستی ئاسانکاری و ڕەخساندنی دەرفەت بۆ بەشداریی لە پرۆسەی سەرژمێری گشتیی دانیشتووان لە هەرێمی کوردستان، وەزارەتەکە بڕیاریدا بە ڕێگەپێدان بە قوتابیانی دەرەوەی وڵات بۆ گەڕانەوە بۆ هەرێمی کوردستان تاوەکو 10 رۆژ، لە ڕێککەوتی 16 تاوەکو 26ی ئەم مانگە و بە ماوەی مانەوە بۆیان هەژمار دەکرێت.

 

لەلایەکی دیکەوە: لە ڕۆژانی 15 تا 23ی ئەم مانگە، بۆ فەرمانبەرانی ڕاژەی شارستانی، كارمەندانی ڕاژەی سەربازی، هێزەكانی ئاسایشی ناوخۆ، قوتابییان لە تەواوی قۆناغەكانی خوێندن لە قوتابخانە و زانكۆكان كە خەڵكی ناوچەكانی ماددەی 140ـن پشوو دەبێت.

 

ئەوەی پێویستە بیزانیت: لە کۆبوونەوەکەی لەگەڵ محەممەد شیاع سوودانی، سەرۆکوەزیران مەسرور بارزانی جەختی لەوە کردووەتەوە کە نابێت سەرژمێری بۆ مەرامی سیاسیی بەکاربهێنرێت، تەنیا وەک بابەتی گەشەپێدان و لایەنی ئابووریی کاری لەسەر بکرێت، هاوکات سەرژمێری نەبێتە جێگرەوەی ماددەی 140 لە ناوچە دابڕێنراوەکانی دەرەوەی ئیدارەی هەرێمی کوردستان.