ئاسایشی هەولێر دوو تۆمەتبار دەستگیر دەکات

ئاڤا نیوز

 

دوو کەس کە تاوانێکی کوشتنیان لە شاری کوت-ی خوارووی عێراق ئەنجام داوە، ئاسایشی هەولێر شوێنەکانیان دەدۆزێتەوە و دەستگیریان دەکات.

 

ڕاگەیێنراوی فەرمی: بەڕێوبەرایەتیی ئاسایشی هەولێر ڕایگەیاند: دوای ئەوەی لەلایەن بەشی هەماهەنگی وەزارەتی ناوخۆی حکومەتی هەرێمی کوردستان ئاگادارکرانەوە کە دوو تۆمەتبار لە شاری کوت لە خوارووی عێراق هەڵساون بە ئەنجامدانی تاوانێکی کوشتن، بەرەو شاری هەولێر هەڵهاتوون و لەلایەن ئاسایشەوە دەستگیر کراون.

 

ئەمەش بزانە: ئاسایشی هەولێر ئاماژەی بەوەشکرد کە ئەو دوو تۆمەتبارە لەلایەن دادگای شاری کوت فەرمانی دەستگیرکردنیان هەبووە، دوای بەدواداچوونی تیمەکانی بەڕێوەبەرایەتیی ئاسایش، شوێنی خۆ حەشاردانیان لە سنووری شاری هەولێر دەستنیشانکراوە و بەفەرمانی دادوەری لێکۆڵینەوەی ئاسایش توانرا هەردوو تۆمەتبارەکە دەستگیر بکرێن، دواتر بەپێی ڕێککارە یاساییەکان ڕەوانەی شوێنی تاوان دەکرێنەوە بۆ دادگایی کردنیان.