ئەمڕۆ 10 هەزار بژمێر بە گەڕەك و كۆڵانەكانی سنووری پارێزگای هەولێر بڵاودەبنەوە

ئاڤا نیوز

 

لە ئەمڕۆوە بژمێرەكانی پرۆسەی سەرژمێری بە گەڕەك و كۆڵانەكانی سنووری پارێزگای هەولێر بڵاودەبنەوە و دەست بە تۆماركردنی زانیارییەكان دەكەن.

 

لێدوانی فەرمی: دڵزار حەمەساڵح، بەڕێوەبەری ئاماری هەولێر لە كۆنفڕانسێكی ڕۆژنامەوانیدا ڕایگەیاند: لە ئەمڕۆوە تاوەكو 19ـی مانگ، بژمێرەكان سەردانی سەرجەم یەكەكانی سنووری پارێزگای هەولێر دەكەن كە پێكهاتوون لە 15 قەزا و 46 ناحیە، بژمێرەكان پرسیارەكانیان ئاراستەی خانەوادەكان دەكەن، گرنگە لە هەر ماڵێك كەسێك یان زیاتر ئامادە بێت.

 

لەلایەكی دیكەوە: تەنیا لە سنووری هەولێر زیاتر لە 10 هەزار بژمێر بەشدارن لە پرۆسەی سەرژمێری، لە 16 تاوەكو 19ـی مانگ چەند پرسیارێكی سەرەتایی ئاراستەی هاونیشتمانییان دەكەن و لە 20 و 21ـی مانگ پرسیارە سەرەكییەكان سەبارەت هەر خێزانێك ئاراستە دەكرێن و فۆڕمی خانەوادە پڕ دەكرێت لە زانیاری.

 

ئەمەش بزانە: هەر بژمێرێك تابلێدتێکی پێیە و زانیارییەكانی تێدا تۆمار دەكات کە ڕاستەوخۆ بە تۆڕێكی سەرەكیی ئەلیكترۆنی لە بەغدا بەستراوەتەوە.