ئەو پرسیارانە چین لە ڕۆژی سەرژمێری دەکرێن؟

ئاڤا نیوز

 

ئەمڕۆ پرۆسەی سەرژمێری دەستپێکرد و تاوەکو 19ـی مانگ، فۆرمی خێزانی لەلایەن بژمێرەکان بۆ خێزانەکان پڕ دەکرێتەوە و جگە لەوەش، ئاماری نەخۆشییە درێژخایەنەکان و خاوەنپێداویستییە تایبەتەکانیش یەکلا دەکرێتەوە.

 

وێنە گەورەکە: وا بڕیارە ڕۆژی چوارشەممە 20-11-2024 قۆناغی سێیەمی سەرژمێریی گشتی لە تەواوی عێراق، هەرێمی کوردستان و ناوچە کوردستانییەکانی دەرەوەی ئیدارەی هەرێم بکرێت، جگە لە پرسیاری ئەندامانی خێزان، بژمێرەکان پرسیاری کەلوپەل و پێداویستییەکانی ماڵ لە خێزانەکان دەکەن.

 

ئەوەی پێویستە بیزانیت: بەگوێرەی فۆرمی سەرژمێری، پێویستە کەلوپەل و پێداویستی هەر ماڵێک لەنێو فۆرمەکەیدا هەژمار بکرێت، کە ئەمانەن: ئۆتۆمبێل، ماتۆرسکیل، سپلێت، بۆیلەر، سەلاجە، بەڕادی ئاو، موبەریدە، جلشۆر، قاپشۆر، مۆلیدەی کارەبایی، گسکی کارەبایی، تەڵەڤزیۆن، کۆمپیوتەر، ئایپاد، موبایل، ئینتەرنێت و کەلوپەلی دیکە.