ترەمپ کەسێکی تەمەن 27 ساڵ وەک وتەبێژی کۆشکی سپی دەستنیشان دەکات

ئاڤا نیوز

دۆناڵد ترەمپ، سەرۆکی هەڵبژێردراوی ئەمریکا، کارۆلین لیڤیت وەک وتەبێژی کۆشکی سپی دەستنیشان کرد.

 

وێنە گەورەکە: لیڤیت لە کاتی بانگەشەی هەڵبژاردنەکان سکرتێری ڕۆژنامەوانیی کەمپەینی ترەمپ بوو، ئێستاش وەک وتەبێژی ترەمپ لە قۆناغی گواستنەوەی دەسەڵات لە بایدنەوە بۆ ترەمپ کار دەکات.

 

زانیاریی زیاتر: کارۆلین لیڤیت تەمەنی 27 ساڵە و دەبێتە گەنجترین کەس لە مێژووی ئەمریکا دا کە ئەم پۆستەی وەرگرتبێت.

 

لەلایەکی دیکەوە: ترەمپ لە بەیاننامەیەکدا لیڤیتی بە کەسێکی "زیرەک، سەرسەخت و پەیوەندیکارێکی کاریگەر" وەسف کردووە، کە "پەیامی ئێمە بۆ گەلی ئەمریکا دەگوازێتەوە تا دووبارە ئەمریکا مەزن بکەینەوە."