بەریتانیا ڕێکاری نوێ بۆ هاتنی لێشاوی پەنابەران دادەنێت

ئاڤا نیوز

 

حکومەتی نوێی بەریتانیا، بە سەرۆکایەتی کیەر ستامەر، ڕێکارەکانی بەرگرتن لە هاتنی کۆچبەرانی توندتر کردوەتەوە و سەرۆکی فیدراسیۆنی سەرتاسەری پەنابەرانی عێراق دەڵێت: ئەم ڕێکارانە ناتوانن کۆتایی بە هاتنی کۆچبەران بۆ بەریتانیا بهێنن.

 

وێنە گەورەکە: لەگەڵ زیادبوونی نا ئارامییەکان لە ڕۆژهەڵاتی ناوەڕاست، ژمارەی پەنابەرانیش ڕوو لە هەڵکشانە، بەریتانیا کەوتووەتەخۆ بۆ بەرگرتن لە هاتنی پەنابەران.

 

لێدوانی فەرمی: دەشتی جەمال، سەرۆکی فیدراسیۆنی سەرتاسەری پەنابەرانی عێراق بۆ ئاڤا نیوز دەڵێت: حکومەتی نوێی بەریتانیا تاکتیکی بەرەنگاربوونەوەی تیرۆر بۆ کۆنتڕۆڵکردنی هاتنی پەنابەران بەکاردێنێت، 75 ملیۆن پاوەنی بۆ پۆلیسی سەر سنوور و دەریایی خەرجکردووە، دەیان تیمی بۆ دۆزینەوەی شوێنی قاچاخچییان دروستکردووە، بەڵام لەماوەی شەش مانگی ڕابردوودا بەڕێژەی %19 هاتنی کۆچبەر لەڕێگەی وشکانی و ئاوی بۆ بەریتانیا زیادیکردووە.

 

ئەوەی پێویستە بیزانیت: دیکەوە ڕۆژی 4ی تشرینی دووەمی ئەمساڵ، ڕۆژنامەی The  Nationalی بەریتانی بڵاویکردەوە، حکومەتی نوێی بەریتانیا ژمارەیەک ئەفسەر دەنێرێتە عێراق بۆ ڕووبەڕووبونەوەی قاچاخچیان، زانیارییەکانی ئەم وڵاتە ئەوەن، بەشێک لە قاچاخچییەکان لە هەرێمی کوردستانن.

 

لەلایەکی دیکەوە: لەماوەی دوو ساڵی ڕابردوودا دەزگای هەواڵگری بەریتانیا و تورکیا بۆ چەند جارێک دانیشتیان کردووە بۆ پرسی ڕووبەڕووبوەنەوەی هاتنی پانەبەران، لەماوەی چەند ڕۆژی ڕابردوودا لە هەڵمەتێکدا پۆلیسی تورکیا 242 پەنابەری دەستگیرکردووە و بڕیاردراوە دوای گرتنەبەری ڕێکاری یاسایی دیپۆرتی وڵاتەکانیان دەکرێنەوە.