سەرکردە و کەسایەتییەکان سەرەخۆشی لە سەرۆک بارزانی دەکەن

ئاڤا نیوز

سەرکردە و کەسایەتییە سیاسی و ناودارەکانی هەرێمی کوردستان و عێراق سەرەخۆشی ئاراستەی سەرۆک بارزانی دەکەن بۆ کۆچی دوایی خوشکەکەی. 

 

سەرەخۆشییەکان:

• گەلاوێژ ساڵح فەتاح دایکی هێرۆخانی هاوژینی مام جەلال، پرسەنامەیەکی ئاراستەى سەرۆک بارزانی دەڵێت: پرسە و سەرەخۆشیی زۆرى خۆم بە جەنابت و بنەماڵە بەڕێزەکەتان و ئازیزان و دۆستانى خوالێخۆشبوو ڕادەگەيەنم و ھاوبەشی خەمتانین.

 

• بافڵ تاڵەبانی، سەرۆکی یەکێتیی نیشتمانیی کوردستان لە پەیامێکدا نووسیویەتی:  ‎بۆ ئەم خەمە گەورەیە پرسە و سەرەخۆشیی قووڵی خۆمان بە جەنابتان، بنەماڵە بەڕێزەکەتان و ئازیزانی خوالێخۆشبوو دەگەیەنین و ھاوبەشی خەمتانین.  

 

• قوباد تاڵەبانی، جێگری سەرۆکوەزیرانی هەرێمی کوردستان ڕایگەیاند: بەم بۆنەیەوە پرسە و سەرەخۆشی ئاراستەی بەڕێزتان و خانەوادە و ھەموو ئازیزانی خاتوو زەکیا دەکەم و خۆم بە ھاوبەشی خەمتان دەزانم. خوای گەورە لە کۆچکردوو خۆش بێت و سەبوری و دڵنەواییش بە جەنابتان و بە ھەموو لایەک ببەخشێت.

 

• د. فوئاد مەعسووم، سەرۆککۆماری پێشووتری عێراق ڕایگەیاند: بە داخ و پەژارەیەکی زۆرەوە بۆ کۆچی دوایی خاتوو زەکیا مەلا مستەفا بارزانی، بەشداری خەمتانین خودا سەبووریتان بدات.

 

• سەڵاحەددین محەممەد بەهائەددین، ئەمینداری گشتیی یەکگرتووی ئیسلامی ڕایگەیاند: بە بۆنەی کۆچی دوایی خاتوو  (زەکیا مستەفا بارزانی) خوشکی بەرێزتان، پرسە و سەرەخۆشیی خۆمانتان ئاراستە دەکەین و داواکارین لە خوای بەخشندە لێی خۆش بێت و بە بەهەشتی شاد بکات و ئارامیش بە ئێوە و بنەماڵە بەڕێزەکەتان ببەخشێت، دوایین خەم بێت. 

 

• محەممەد حاجی مەحموود، سکرتێری حیزبی سۆسیال دیموکراتی کوردستان نووسیویەتی "خەمبار و دڵتەنگ بووین بە بیستنی هەواڵی کۆچی دوایی خاتوو زەکیا کچی سەرکردەی مێژوویی نەمر مەلا مستەفا بارزانی و خوشکی جەنابتان و ڕۆڵەی ماڵباتێکی نیشتمانپەروەر و ئایینی، بەم بۆنە خەمناکەوە، وێڕای هاوخەمیمان، پرسە و سەرخۆشی لە جەنابتان و تەواوی ئەندامانی خانەوادەی بەڕێزتان دەکەین، لە خوای گەورە داواکارین روحی پاکی خوالێخۆشبوو بە بەهەشتی بەرین ببەخشێت و سەبر و ئارامیش بە هەموو لایەک".

 

• کاردیناڵ لویس ساکۆ، پاتریارکی کڵێسای کلدانی له‌ عێراق و جیهان ڕایگەیاند: بەناوی خۆم و کڵێسای کلدانییەوە، پرسە و سەرەخۆشی لە بەڕێزتان و ماڵباتی بارزانی دەکەم بۆ کۆچی دوایی خوشکتان خاتوو زەکیا مەلا مستەفا بارزانی، داوا لە خوای گەورە دەکەم ڕەحمەتی فراوانی خۆی بەسەردا ببارێنێت، تەندروستی و سەلامەتیتان پێببەخشێت و لە هەموو ناخۆشییەک بتانپارێزێت".

 

ئەلینا رۆمانوۆسکی، باڵیۆزی ئەمریکا لەعێراق لە تۆڕی کۆمەڵایەتی ئێکس ڕایگەیاند: دەمەوێت پرسەی خۆم بە خێزانی سەرۆک بارزانی ڕابگەیێنم بەهۆی کۆچی دوایی زەکیا مستەفا بارزانیی، هاوسۆزی خۆمان لەگەڵ گەلی کوردستان و عێراقییەکان هاوبەشی پێدەکەین.

 

مەزڵوم عەبدی، فەرماندەی هێزەکانی سووریای دیموکرات پەیامێکی سەرەخۆشیی ئاڕاستەی سەرۆک بارزانی کرد و ڕایگەیاند: بە خەمگینیەوە هەواڵی کۆچی دوایی زەکیا مەلا مستەفا خوشکی سەرۆک مەسعود بارزانیمان پێگەیشت، خودای گەورە ڕۆحی شاد بکات.

 

ئەوەی پێویستە بیزانیت: دوێنێ هەینی، خاتوو زەکیا مەلا مستەفا بارزانی، خوشکی سەرۆک بارزانی بەهۆی نەخۆشییەوە کۆچی دوایی کرد.