ئەو كەسانەی زانیاریی ناڕاست دەدەن بە تیمەكانی سەرژمێریی سزاكەیان چییە؟

ئاڤا نیوز

 

بەڕێوەبەری ئاماری پارێزگای هەولێر ئەو دەنگۆیانە ڕەتدەكاتەوە، كە دەگوترێت ئەگەر كەسێك زانیاریی ناڕاست بە تیمەكانی سەرژمێری بدات سزا دەدرێت.

 

لێدوانی فەرمی: دڵزار حەمەساڵح، بەڕێوەبەری ئاماری هەولێر بە ئاڤا نیوزی ڕاگەیاند: هیچ بڕگە و ماددەیەكی یاساییمان نییە پێمان بڵێت ئەگەر هاونیشتمانییەك زانیاریی ناڕاست و هەڵەی بە بژمێرەكانی سەرژمێری دا سزا دەدرێت، ئەو دەنگۆیانە لەمبارەیەوە بڵاوكراونەتەوە ناڕاستن، "بەڵام بێگومان كەسانێكیش هەن زانیاریی ناڕاست بە تیمەكانمان دەدەن".

 

لەلایەكی دیكەوە: بەڕێوەبەری ئاماری هەولێر سەبارەت بە ڕێگرییەكانی بەردەم كاری تیمەكانی سەرژمێری ڕایگەیاند: تاوەكو ئێستا هیچ ڕێگرییەك نەبووە، بەڵكو تەنیا بەشێكی كەم لە هاونیشتمانییان پێیان ناخۆشە لەسەر دیواری ماڵەكانیان ژمارە و هێماكان بنووسرێن، ئەویش دوای ئەوەی تیمەكانمان گرنگیی بابەتەكەیان بۆ ڕووندەكەنەوە، ڕێگەیان پێدەدرێت.