ئەو مامۆستایانەی لە پرۆسەی سەرژمێریی بەشدارن لە دەوام دەبەخشرێن

ئاڤا نیوز

 

دەستەی باڵای سەرژمێریی گشتیی دانیشتووان لە هەرێمی كوردستان داوا لە وەزارەتی پەروەردە دەكات ئەو مامۆستا و فەرمانبەرانەی وەزارەتی پەروەردە كە بەشدارن لە پرۆسەی سەرژمێری، لە دەوام ببەخشرێن.

 

بڵاوكراوەی فەرمی: دەستەی باڵای سەرژمێریی گشتیی دانیشتووان لە هەرێمی كوردستان نووسراوێكی بە ژمارە 743 لە 9-11-2024 بۆ وەزارەتی پەروەردە ناردووە و داوا دەكات ئەو مامۆستایانەی لە كاری سەرژمێری لەگەڵ دەستەی ئامارن لە دەوام ببەخشرێن لە 10-11-2024 تاوەكو 15_20-12-2024.

 

زانیاریی زیاتر: دەستەكە داوا لە وەزارەتی پەروەردە دەكات ئەو مامۆستایانەی لە ماوەی ڕابردوو لە كاری گەمارۆسازی و ژمارەدانانی سەرژمێری بەشدارییان كردووە و نەیانتوانیوە دەوامی فەرمی بكەن، بە مۆڵەت بۆیان هەژمار نەكرێت.

 

ئەوەش بزانە: وەزارەتی پەروەردە لە ڕۆژی 11-11-2024 گشتاندنی بە نووسراوەكەی دەستەی باڵای سەرژمێری كردووە و ئاراستەی سەرجەم بەڕێوەبەرایەتییەكانی پەروەردەی كردووە و داوا دەكات ڕەچاوی دەوامی ئەو مامۆستا و فەرمانبەرانە بكرێت.