کوردانی شاری کەرکووک بۆ سەرژمێریی گشتیی دانیشتووان دەگەڕێنەوە

ئاڤا نیوز

 

سەرەرای مەترسییەکان لە ناوچەکانی سنوری ماددەی 140، قۆناغی یەکەمی پرۆسەی سەرژمێری دەستی پێ کرد، بەشێک لەو خێزانە کەرکووکیانەشی بەهۆی رووداوەکانی شانزەی ئۆکتۆبەرەوە ئەم شارەیان جێ هێشتبوو، بۆ بەژداریکردن لە پرۆسەکە گەراونەتەوە کەرکوک.

 

چیرۆکی سەرەکی: پرۆسەی سەرژمێریی گشتیی دانیشتووان لە سەرتاسەری عێراق بە هەرێمی کوردستانیشەوە دەستیپێکردووە و ڕۆژانی 20 و 21ـی ئەم مانگە قۆناغی کۆتایی بەڕێوەدەچێت.

 

زانیاریی زیاتر: سەدرییە حەسەن دانیشتووی گەرەکی پەنجا عەلی کەرکوکە، بەهۆی رووداوەکانی شانزەی ئۆکتۆبەرەوە کەرکوکی بەرەو سلێمانی جێهێشت ، بەڵام بۆ بەژداری لە پرۆسەی سەرژمێری گەراوەتەوە کەرکوک تا لە شارەکەی خۆیی و بە دیاریکراوی لەو گەرەکەی حەوت ساڵ بەر لە ئێستا جێی هێشت ، ناوی خۆیی و خێزانەکەی تۆمار بکات.
 
ئەوەی پێویستە بیزانیت: هەرچەندە بەغدا بۆ ڕەواندنەوەی ترسی کورد لە ناوچە دابرێندراوەکان دڵنیایی داوە، بەڵام لایەنە کوردییەکان بە گوومانن و ترسیان لە ئەنجامی ئەم سەرژمێرییە نەرواوەتەوە.