چۆپی فەتاح لە ئاڤاوە باس لە بەرهەمە نوێیەکەی دەکات

ئاڤا نیوز

 

خانمە هونەرمەند، چۆپی فەتاح لەمیانی بەشداریکردنی لە هەواڵە هونەرییەکانی ئاڤا میدیا، باسی بەشێک لە کار و بەرنامە و ژیانی هونەری خۆی کرد، وادەی بڵاوکردنەوەی نوێترین بەرهەمی ئاشکرا کرد.

 

وێنە گەورەکە: چۆپی فەتاح نوێترین بەرهەمی بەناوی 'چۆپی-سوڵتان' بڵاوکرایەوە، لەلایەن هەوادارانییەوە پێشوازییەکی گەرمی لێکرا.

 

لێدوانی فەرمی: چۆپی فەتاح، خانمە هونەرمەندی دیاری کوردستان، بە ئاڤا نیوزی ڕاگەیاند: خۆشحاڵم کە بەرهەمەکەم چووەتە نێو خەڵک و کۆمێنتی جوانم لەلایەن هەوادارانمەوە بۆ هاتووە، بەرهەمەکە ئاواز و هۆنراوەکەی شامل برفکانییە و ڕیزبەندییەکەی سیداد قەدرییە.

 

ئەو خانمە هونەرمەندە سەبارەت بە ڕاگرتنی هاوسەنگی لە نێوان ژیانی تایبەت و دایکایەتی و کاری هونەری و بازرگانییەکەی، باس لەوە دەکات، کە ئەوەی ئەوی ڕاگرتووە خواردنەوەی قاوە و کەمخەوییە.

 

لەلایەکی دیکەوە: سەبارەت بە کارە بازرگانییەکەی ئاماژەی بەوەدا، زیاتر کارەکانی لەگەڵ ئافرەتە و نزیکەی 100 ئافرەت و دوو پیاو کاری لەگەڵ دەکەن، گوتیشی "هیچ پیاوێکی بەرگدوور لە کارەکەمان وەرناگرین، بۆ ئەوەی بەرگدوورە ئافرەتەکان لە کارەکانیان ئاسوودەبن".

 

زانیاریی زیاتر: چۆپی فەتاح ژیانی هاوسەری پێکهێناوە و دایکی دوو کچە بەناوەکانی لیڤیا و لیانا.

 

ئەوەی پێویستە بیزانیت: چۆپی ئێستا بەرهەمێکی نوێی هەیە و لە 2-2-2025 بڵاوی دەکاتەوە، وەک خۆی دەڵێت 'بەرهەمەکەی زۆر تایبەتە'.