سەرۆک بارزانی: خوازیاری پێکهێنانی حکومەتێکی بنکە فراوانین بەپێی بەرکەوتەی هەڵبژاردن

کوردستان
2024-11-17

شەیری بکە لە:

سەرۆک بارزانی: خوازیاری پێکهێنانی حکومەتێکی بنکە فراوانین بەپێی بەرکەوتەی هەڵبژاردن

دیمەنێک لە کۆبوونەوەی سەرۆک بارزانی و باڵیۆزی پۆڵەندا لە عێراق، سەرچاوە: بارەگای بارزانی

ئاڤا نیوز

سەرۆک بارزانی لەمیانی کۆبوونەوەی لەگەڵ مارجن کوبیاک، باڵیۆزی پۆڵەندا لە عێراق، دڵنیایی دا لەوەی چۆن هەڵبژاردن سەرکەوتووانە بەڕێوەچوو، قۆناغی پێکهێنانی حکومەت و دانوساندنی لایەنەکان بە سەرکەوتوویی دەگاتە ئەنجام.

چیرۆکی سەرەکی: باڵیۆزی پۆڵەندا پیرۆزبایی سەرکەوتنی پڕۆسەی هەڵبژاردن و سەرکەوتنی پارتی دیموکراتی کوردستان وەک براوەی یەکەم لە سەرۆک بارزانی کردووە. پێزانینیشی بۆ ڕۆڵی سەرۆک بارزانی و دامەزراوە جیاوازەکان لە بنیاتنانی سەقامگیری و بووژانەوەی هەرێمی کوردستاندا هەبووە.

ڕاگەیێنراوی فەرمی: سەرۆک بارزانی ئاماژەی بە هەڵبژاردنی پەرلەمانی کوردستان کردووە و ڕایگەیاندووە، بەشداری گەلی کوردستان بە ڕێژەیەکی بەرچاو لە هەڵبژاردن و لە کەشێکی ئارامدا سەری هەموومانی بەرز کردەوە.

ئەوەشی خستووەتەڕوو کە هەروەک چۆن هەڵبژاردن سەرکەوتووانە بەڕێوەچوو، قۆناغی پێکهێنانی حکومەت و دانوساندنی لایەنەکان بە سەرکەوتوویی دەگاتە ئەنجام. خواستی خۆیشی نیشانداوە بۆ پێکهاتنی حکومەتێکی بنکەفراوان بەپێی ئیستحقاقی هەڵبژاردن.

لەلایەکی دیکەوە: باڵیۆزی پۆڵەندا ئاماژەی بۆ ئەوە کردووە کە وڵاتەکەی بە بایەخێکی زۆرەوە سەیری ڕۆڵی هەرێمی کوردستان لە عێراق و ناوچەکە دەکات، خوازیاری ئەوەیە پەیوەندی و دۆستایەتیی لەگەڵ هەرێمی کوردستان لە بواری پەروەردە و خوێندنی باڵا و کشتوکاڵ و بوارەکانی تر پەرەبستێنێت.