مەسرور بارزانی: پێویستە بەزووترین کات هەناردەکردنەوەی نەوت دەستپێبکاتەوە

کوردستان
2024-11-17

شەیری بکە لە:

مەسرور بارزانی: پێویستە بەزووترین کات هەناردەکردنەوەی نەوت دەستپێبکاتەوە

دیمەنێک لە کۆبوونەوەی مەسرور بارزانی، سەرۆکوەزیرانی هەرێمی کوردستان و شاندێکی ئەنجوومەنی بازرگانی ئەمەریکا - کوردستان، سەرچاوە: KRG

ئاڤا نیوز

سەرۆکوەزیران مەسرور بارزانی لەمیانی کۆبوونەوەی لەگەڵ شاندێکی بازرگانیی ئەمریکا، ڕایگەیاند پێویستە بەزووترین کات هەناردەکردنەوەی نەوتی هەرێمی کوردستان دەستپێبکاتەوە.

وێنە گەورەکە: سەرۆکوەزیران مەسرور بارزانی و دەیڤد تافوری، سەرۆکی ئەنجوومەنی بازرگانیی ئەمەریکا ـ کوردستان لە هەولێر کۆبوونەوە و کۆمەڵێک پرسیان تاوتوێ کرد، لەوانە؛ گۆڕانکاری و پێشهاتەکانی عێراق و ناوچەکە، پەیوەندییەکانی نێوان هەولێر و بەغدا، چاکسازییەکانی حکومەتی هەرێمی کوردستان بەتایبەت لە بوارەکانی دیجیتاڵی، خزمەتگوزاری، سیستمی بانکی، پرۆژەی هەژماری من و کارئاسانیکردن بۆ وەبەرهێنان.

ڕاگەیێنراوی فەرمی: دەیڤد تافوری، پیرۆزبایی سەرکەوتنی هەڵبژاردنی پەرلەمانی کوردستان و ئەنجامەکانی لە سەرۆکوەزیران بارزانی کردووە، ئامانجی سەردانەکەشی خستووەتەڕوو و ڕایگەیاندووە: "هەرێمی کوردستان ڕۆڵ و پێگەیەکی گرنگی لە عێراق و ناوچەکەدا هەیە، سەردانەکەمان بۆ دەربڕینی پشتیوانی و پەرەپێدانی پەیوەندییە ئابووری و بازرگانی و وەبەرهێنانەکانی نێوان هەردوولایە".

لەلایەکی دیکەوە: سەرۆکوەزیران مەسرور بارزانی باسی لە گرنگيی دەستپێکردنەوەی هەناردەکردنی نەوتی هەرێمی کوردستان کردووە، کە وەستانی زیانی چەندین ملیار دۆلاری لە بودجەی گشتی داوە، بۆیە بەپێویستی زانیوە لە زووترین کاتدا پرۆسەکە دەستپێبکاتەوە.