نێچیرڤان بارزانی: تیرۆر هێشتا مەترسییەکی ڕاستەقینەیە لە سنووری ماددەی 140

ئاڤا نیوز

سەرۆکی هەرێمی کوردستان ڕایدەگەیێنێ،  تيرۆر هێشتا مه‌ترسييه‌كى ڕاسته‌قينه‌يه‌ و هه‌ڕه‌شه‌ له‌ ئارامى و سه‌قامگيريى عێراق و هه‌رێمى كوردستان دەکات به‌تايبه‌تى له‌ ناوچه‌كانى مادده‌ى 140.

چیرۆکی سەرەکی: نێچيرڤان بارزانى، سه‌رۆكى هه‌رێمى كوردستان سەرەخۆشی لە شەهیدانی ئەمڕۆی خورماتوو دەکات کە بەهۆی ته‌قينه‌وه‌ى بۆمبێكى چێنراو به‌ ئۆتۆمبێلى ليوايه‌كى هاوبه‌شى پێشمه‌رگه‌ و سوپاى عێراقدا‌ سێ پله‌دار شه‌هيد بوون و سێ سەربازیش بریندار بوون. 

خاڵی نەرێنی: نێچيرڤان بارزانى دەڵێت، ئه‌م كرده‌وه‌ تيرۆریستييه‌ ئه‌وه‌ ده‌سه‌لمێنێت کە تيرۆر هێشتا مه‌ترسييه‌كى ڕاسته‌قينه‌يه‌ و هه‌ڕه‌شه‌ له‌ ئارامى و سه‌قامگيريى عێراق و هه‌رێمى كوردستان و ناوچه‌كه‌ به‌گشتى و سه‌ر و ماڵى هاووڵاتييان به‌تايبه‌تى له‌ ناوچه‌كانى مادده‌ى 140 ده‌كات. 

لەلایەکی دیکەوە: سەرۆکی هەرێمی کوردستان جه‌خت له‌ به‌رده‌وامى و پته‌وكردنى زياترى هه‌ماهه‌نگى و هاريكاريى هاوبه‌شى پێشمه‌رگه‌ و سوپاى عێراق و، هێزه‌كانى هاوپه‌يمانان بۆ به‌ره‌نگاربوونه‌وه و تێكشكاندنى تيرۆریستان ده‌كاته‌وه‌.