دوای بەدواداچوونێکی ئاڤا شارەوانی هەولێر کێشەیەکی ناحیەی دارەتوو چارەسەر دەکات

ئاڤا نیوز

 

10 ڕۆژ پێش ئێستا، ژمارەیەک هاونیشتمانیی دانیشتووی ناحیەی دارەتووی هەولێر کێشەیەکی گەورەیان هەبوو، تەلەفۆنیان بۆ ڕزگار کۆچەر کردبوو کە دەنگیان بگەیێنێت.

 

چیرۆکی سەرەکی: کێشەکەی خەڵکی ناحیەی داراتوو ئەوەبوو پردی گەڕەکەکەیان بەشێکی داڕمابوو  و پەڕینەوەی ئاستەنگ کردبوو، کێشەکە بەجۆرێک بوو کەم ڕۆژ هەبووە وەکو خۆیان باسی دەکەن، منداڵ یان سەیارەیەک لەو پردە تووشی کێشە نەبووبێت و نەخزابێت.

 

چی ڕوویدا: دوای ئەوەی ڕزگار کۆچەر دەچێتە شوێنەکە و بەرنامەیەک لەسەر کێشەکەیان دەکات، دواتر شارەوانی هەولێر دەچێت بەدەمیانەوە و کێشەکەیان بۆ چارەسەر دەکات. 

 

چارەسەرەکان: شارەوانی هەولێر بە دانانی مەنهۆڵ کێشەکەیان بۆ چارەسەر دەکات و بەشێکی شەقامەکەشیان بۆ قیرتاو دەکات.

لەلایەکی دیکەوە: لەبەرامبەر چارەسەرکردنی کێشەکە و بەدەمەوەهاتنیان لەلایەن تیمەکانی شارەوانییەوە، هەم خەڵکی گەڕەکەکەی ناحیەی دارەتوو و هەمیش شارەوانی سوپاسی ئاڤا ئەکەن کە بەردەوام لەگەڵ خەڵک و لەناو خەڵکایە.