باڵیۆزی پۆڵەندا لە عێراق جەخت لە پێکهێنانی حکومەتی نوێ دەکات

ئاڤا نیوز 

 

سەرۆکوەزیران مەسرور بارزانی لەگەڵ باڵیۆزی پۆڵەندا لە عێراق جەخت لە پێکهێنانی حکومەتی نوێ دەکەنەوە.

 

وێنە گەورەکە: ئەمڕۆ دوو شەممە، سەرۆکوەزیران مەسرور بارزانی، پێشوازی لە مارجن کۆبیاک باڵیۆزی پۆڵەندا لە عێراق کرد، بەبۆنەی کۆتاییهاتنی ئەرکەکەی. 

 

زانیاریی زیاتر: لەمیانەی کۆبوونەوەکەدا سەرۆکوەزیران سوپاسی باڵیۆزی کرد بۆ کارکردن هەماهەنگی لە پێناوی پەپێدانی پەیوەندییەکانی هەردوولایەن.

 

لەلایەکی دیکەوە: باڵیۆزی پۆڵەندا ئامادەیی هاوکاری وڵاتەکەی نیشاندا بۆ پێشخستنی پەیوەندییەکانیان لەگەڵ هەرێمی کوردستان، بەتایبەت لەبواری ئاڵوگۆڕی بازرگانی و کشتوکاڵ دا. 

 

ئەوەی پێویستە بیزانێت: لە کۆبوونەوەکەدا باس لە پڕۆسەی هەڵبژاردنی هەرێمی کوردستان کراوە و هەردوولا هاوڕابوون لەسەر پێویستی زوو پێکهێنانی کابینەی نوێی حکومەتی هەرێمی کوردستان.