سیروان بارزانی: پێشمەرگە پێویستی بە هاوکاریی زیاتری هاوپەیمانانە

ئاڤا نیوز

 

ڕێکخراوی ئەمریکا سپرێت هاوکاری گەیاندە وەزارەتی پێشمەرگە و دوو میحوەری پێشمەرگە، سەرپەرەشتیاری میحوەری مەخمور-گوێریش دەڵێت 'پێشمەرگە پێویستیی بە هاوکاری زیاترە'.

 

وێنە گەورەکە: ئەمڕۆ 18-11-2024، ڕێکخراوی ئەمریکا سپرێت هاوکاری بە وەزارەتی پێشمەرگە و محوەرەکانی پێنج و شەشی پێشمەرگە گەیاند.

 

لێدوانی فەرمی: سیروان بارزانی، سەرپەرشتیاری میحوەری گوێر-مەخموور لە کۆنگرەیەکی ڕۆژنامەوانیدا ڕایگەیاند: سوپاسی ڕێکخراوی ئەمریکا سپرێت و گەیاندنی هاوکارییەکانیان بۆ میحوەری پێنج و شەش و وەزارەتی پێشمەرگە دەکەین.

 

سیروان بارزانی گوتیشی: جموجوڵەکانی داعش بەردەوامە و هێزی پێشمەرگەش وەک هەر هێزێکی دیکە بەردەوام پێویستیی بە هاوکارییە.

 

لەلایەکی دیکەوە: سەرپەرشتیاری میحوەری مەخموور-گوێر، باسی هاوکارییەکانی هاوپەیمانان و ئەمریکای کرد، کە بەهۆیانەوە عێراق و بەتایبەت هەرێمی کوردستان بوون بە نموونەیەکی دیموکراسی سەرکەوتوو.