نەتانیاهۆ: بەشێک لە بەرنامە ئەتۆمییەکەی ئێرانمان کردە ئامانج

ئاڤا نیوز

 

سەرۆکوەزیرانی ئیسرائیل لەبارەی هێرشەکانی بۆ سەر ئێران دەڵێت، هێرشەکەی ڕۆژی 26ـی ئۆکتۆبەر توانای بەرگریی و بەرهەمی مووشەکیی ئەو وڵاتەی لاواز کردووە، بەڵآم نەبووەتە هۆی ئەوەی ئێران نەتوانێت بە چەکی ئەتۆمی دەستی بگات.

 

وێنە گەورەکە: بنیامین ناتانیاهۆ، سەرۆکوەزیرانی ئیسرائیل ئەمڕۆ دووشەممە لەبەردەم پەرلەمانی ئیسرائیل وتارێکی پێشکەش کرد و ئاماژەی بە هێرشە ئاسمانییەکانی وڵاتەکەی بۆ سەر ئێران کرد کە زیانی بە بەشێک لە بەرنامە ئەتۆمییەکەی ئەو وڵاتە گەیاندووە.

 

ڕاگەیێنراوی فەرمی: سەرۆکوەزیرانی ئیسرائیل، لە وتەیەکیدا لە بەردەم پەرلەمانی وڵاتەکەی ڕایگەیاند، هێرشەکانی تۆڵەسەندنەوەی ئیسرائیل بۆ سەر ئێران توانای بەرگریی و بەرهەمی مووشەکیی ئەو وڵاتەی لاواز کردووە و زیانیشی بە بەشێک لە بەرنامە ئەتۆمییەکەی ئەو وڵاتە گەیاندووە.

 

نەتانیاهۆ گوتیشی "ئەوە شتێکی شاراوە نییە کە بەشێکی تایبەت لە بەرنامەی ئەتۆمی هەبوو کە لەم هێرشەدا کرایە ئامانج." ئاماژەشی بەوە کرد، هێرشەکەی ڕۆژی 26ـی ئۆکتۆبەر لەگەڵ ئەوەی تواناکانی ئێرانی لاواز کردووە و زیانی بە بەرنامە ئەتۆمییەکەی گەیاندووە، بەڵام نەبووتە هۆی ئەوەی ئێران نەتوانێت دەستی بگات بە چەکی ئەتۆمی.

 

باکگراوند: پێشتر ئاژانسی ئاکسیۆسی ئەمریکا ڕایگەیاندبوو، ئیسرائیل ناوەندێکی توێژینەوەی چەکی ئەتۆمیی لە پارچین کردووەتە ئامانج. تا ئێستا ئێران هیچ کاردانەوەیەکی بەرامبەر بە ڕاپۆرتەکەی ئاکسیۆس و وتەکانی نەتانیاهۆ نیشان نەداوە.